បុរសចិនខូចចិត្ត យកខ្សែកមាសដែលទិញជូនមិត្តស្រីទៅលក់វិញ ហើយបោះលុយចោល

បុរសជនជាតិចិនម្នាក់បានយកខ្សែ ក មាសដែលគាត់ទិញជូនមិត្តស្រីទៅលក់ឲ្យហាងមាសមួយកន្លែងវិញនៅទីក្រុង Huizhou ខេត្ត Guangdong ហើយថែមទាំងបោះលុយចោលបណ្ដាលឲ្យអ្នកនៅក្បែរនោះភ្ញាក់ផ្អើលជាខ្លាំង ។

ម្ចាស់ហាងបានឲ្យដឹងថា បុរសនោះធ្លាប់មកទិញខ្សែកមាសពីហាងខ្លួនសម្រាប់ជូនដល់មិត្តស្រីជាទីស្រលាញ់របស់គាត់ ។ ដោយសារការបែកគ្នា គាត់ក៏យកខ្សែកមកលក់វិញក្នុងតម្លៃ ២,០៦០ ដុល្លារ រួចបោះលុយដែលទទួលបានចោល បន្ទាប់ពីដើរចេញទៅក្រៅហាង ។

ម្ចាស់ហាងបន្តថា “បុរសនេះចិត្តល្អណាស់គាត់មិនយកមាសគប់ចោលទេព្រោះខ្លាចត្រូវអ្នកដទៃ ចំណែកឯអតីតមិត្តស្រីគាត់ក៏ចិត្តល្អដែរ ព្រោះនាងប្រគល់ខ្សែកមាសឲ្យគាត់វិញ ក្រោយបែកគ្នា” ។

មិនតែប៉ុណ្ណោះម្ចាស់ហាងថែមទាំងជួយប្រមូលលុយប្រគល់ឲ្យបុរសនោះវិញទៀតផង ហើយដើម្បីជាការអរគុណ ក្រុមគ្រួសាររបស់គាត់ក៏បានទិញខ្សែកមាសមួយទៀតពីហាងនោះនៅថ្ងៃបន្ទាប់ ៕

ប្រែសម្រួល៖ វារី

ប្រភព៖ thethaiger

ចុចអាន៖ ដាច់ជណ្ដើរយន្តនៅចិន ស្លាប់មនុស្ស ៣នាក់ របួស ១៧នាក់