គ្រួសារនៅ ម៉ាឡេស៊ី នាំគ្នាខ្ចប់សាច់ ៦០០ ចានពីហាងប៊ូហ្វេមកផ្ទះវិញ

សមាជិកគ្រួសារម៉ាឡេស៊ីចំនួន ៥ នាក់បានហៅសាច់ជ្រូកចំនួន ២៥០ ចាន និងសាច់ចៀម ៣៥០ ចានពីហាងប៊ូហ្វេមួយកន្លែង បណ្ដាលឲ្យម្ចាស់ហាងមានការងឿងឆ្ងល់យ៉ាងខ្លាំង ទើបរត់ទៅឆែកកាមេរ៉ា ហើយឃើញថា ពួកគេមិនបានញ៉ាំនោះទេ គឺបែរជាខ្ទប់យកទៅផ្ទះ ។

បន្ទាប់មក ម្ចាស់ហាងបានបង្ហោះរូបថតគ្រួសារនោះនៅលើគណនី Facebook ដោយនិយាយថា នេះជាលើកទីមួយហើយដែលគាត់ជួបបញ្ហានេះ ចាប់តាំងពីរកស៊ី ៨ ឆ្នាំមក ។

យោងតាមគេហទំព័រព័ត៌មានរបស់សិង្ហបុរី Mothership បានឲ្យដឹងថា សំបុត្រអាហារប៊ូហ្វេ ៥ សន្លឹករបស់គ្រួសារខាងលើមានតម្លៃ ៣៤ ដុល្លារប៉ុណ្ណោះ ។

ថ្មីៗនេះ ក៏មាននារីម្នាក់លួចខ្ចប់ម្ហូបពីហាងប៊ូហ្វេនៃប្រទេសចិនផងដែរ ប៉ុន្តែត្រូវគេចាប់បាន និងផាកពិន័យជាប្រាក់រហូតជាង ៦,០០០ ដុល្លារឯណោះ ៕

ប្រែសម្រួល៖ វារី

ប្រភព៖ vnexpress

ចុចអាន៖ ក្មេងស្រី ម៉ាឡេស៊ី ម្នាក់អុកគូទរហូតបាក់ឆ្អឹងកង ក្រោយមិត្តភ័ក្តិលេងដកកៅអី