អ្នកកក់សក់ជប៉ុនម្នាក់ល្បីដោយសារម្រាមដៃធំចម្លែក

លោក Shogo Yoshida ជាអ្នកកក់សក់ជនជាតិជប៉ុនកំពុងបង្កភាពល្បីល្បាញ ដោយសារតែម្រាមដៃធំចម្លែករបស់លោកម៉ាស្សាក្បាលស្រួល ខណៈអ្នកគាំទ្រជាច្រើនពេញចិត្តសេវាកម្មមួយនេះខ្លាំងណាស់ ។

មែនទែនទៅ បុរសដែលមានឈ្មោះហៅក្រៅថា Bachi Yubi-san មានន័យថា “ម្រាមដៃវាយស្គរ” មានជំងឺហ្សែនដ៏កម្រមួយហៅថា pachydermoperiostosis (PDP) ទើបបណ្ដាលឲ្យគាត់មានចុងម្រាមដៃធំបែបនេះ ហើយក្រៅពីមានចុងម្រាមដៃធំហើយ អ្នកជំងឺនឹងជួបប្រទះបញ្ហាស្បែកមុខក្រាស់ និងបែកញើសដៃ-ជើងផងដែរ ។

ដើមឡើយ Yoshida ធ្លាប់បាននិយាយនៅក្នុងបទសម្ភាសន៍មួយថា គាត់មិនមានភាពជឿជាក់ ហើយស្អប់ម្រាមដៃខ្លួនឯងណាស់ ប៉ុន្តែយូរៗទៅគាត់ស៊ាំនឹងរូបរាងដែលប្លែកពីគេមួយនេះ ។

បច្ចុប្បន្នអ្នកកក់សក់ដ៏ល្បីខាងលើមានអ្នកតាមដាន ៤ ម៉ឺននាក់ក្នុង Instagram ។ ការគាំទ្រដែលលោកទទួលបាន ធ្វើឲ្យគាត់ពេញចិត្តនឹងដំណើរជីវិតរបស់ខ្លួន និងជំរុញឲ្យអ្នកដទៃស្រលាញ់នូវអ្វីដែលពួកគេមានទៀតផង ៕

ប្រែសម្រួល៖ វារី

ប្រភព៖ 8days

ចុចអាន៖ និស្សិតជប៉ុនមួយរូប តែងខ្លួនដូចលោក ហ្សេលេនស្គី ក្នុងកម្មវិធីទទួលសញ្ញាប័ត្រ