អតីតមិត្តរួមថ្នាក់ ទម្លាយខ្ទេចអំពីចរិតរបស់លោក គីម ជុងអ៊ុន កាលនៅរៀន

អតីតមេដឹកនាំផ្តាច់ការកូរ៉េខាងជើងលោក គីម ជុងអ៊ុន គឺជាមនុស្សឯកោដែលខ្លាចស្រីៗនៅសាលា។ នេះបើតាមការឲ្យដឹងពីអតីតមិត្តរួមថ្នាក់ម្នាក់ដែលនិយាយក្នុងសៀវភៅថ្មីមួយ។

អ្នកនិពន្ធ Anna Fifield បានបង្ហាញថា មេដឹកនាំអាយុ៣៦ឆ្នាំរូបនេះមិនចេះលេងសើចទេក្នុងពេលហាត់ប្រាណនិងគេចវេះការទាក់ទងជាមួយក្មេងស្រីនៅពេលធំធាត់ឡើងក្នុងប្រទេសស្វីស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបាននិយាយជាមួយអ្នកដែលអះអាងថាបានស្គាល់មេដឹកនាំកំពូលរូបនេះក្នុងអំឡុងពេលនៅជាយុវវ័យនៅឯសាលាអន្តរជាតិឯកជន Berne ហើយក្រោយមកនៅសាលា Schule Liebefeld Steinholzli។

នៅក្នុងសៀវភៅ “The Great Successor: The Secret Rise and Rule of Kim Jong-un” លោកស្រីបានសរសេរថា “នៅពេលមួយដែលក្មេងជំទង់តែងតែបោះជំរំ លោក​ គីម ជុងអ៊ុន មិនមែនជាអ្នកចូលចិត្តពិធីជប់លៀងឬលេងសើចនៅក្នុងការហាត់ប្រាណឡើយ។ គាត់មិនបានទៅបោះជំរំរបស់សាលា ពិធីជប់លៀងឬឌីស្កូទេហើយគាត់មិនបានប៉ះស្រាសូម្បីមួយដំណក់”។

អ្នកនិពន្ធរូបនេះបានបន្ថែមទៀតថា “លោក គីម ជុងអ៊ុន ពិតជាគេចវេះទំនាក់ទំនងជាមួយក្មេងស្រី”។ លោកស្រីបន្តថា នាងមិនដែលមានការសន្ទនាច្រើនជាមួយគាត់ទេ។

លោកស្រីនិយាយទៀតថា “គាត់ជាមនុស្សឯកោហើយមិនបានចែករំលែកអ្វីទាំងអស់អំពីជីវិតឯកជនរបស់គាត់”។

ពិន្ទុតេស្តរបស់គាត់មិនដែលល្អទេប៉ុន្តែលោកគីមជុងអ៊ុនបានប្រឡងជាប់ថ្នាក់ទី៧និងទី៨នៅវិទ្យាល័យ។

លោកស្រី Fifield និយាយថា “ការអប់រំដែលលោក គីម ចាប់យកនៅប្រទេសស្វីសគឺបានបង្ហាញពីទស្សនៈពិភពលោកខុសៗគ្នាចំពោះការអប់រំដែលគាត់ធ្លាប់មាននៅប្រទេសកូរ៉េខាងជើង។ មេរៀនរបស់គីមជុងអ៊ុនរួមមានសិទ្ធិមនុស្ស សិទ្ធិស្ត្រីនិងការអភិវឌ្ឍលទ្ធិប្រជាធិបតេយ្យ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ អ្នកវិភាគអាមេរិក ៖ ចិនផ្តល់វ៉ាក់សាំងកូវីដ ១៩ ដល់លោក គីម ជុងអ៊ុន

ចុចអាន៖ ប្រជាជនកូរ៉េខាងជើងភ័យខ្លាចត្រូវប្រហារជីវិត ក្រោយមានភ្លើងឆេះព្រៃក្បែរមូលដ្ឋានមីស៊ីលរបស់លោក គីម