ព័ត៌មានអន្ដរជាតិ
អ្នកវិភាគអាមេរិក ៖ ចិនផ្តល់វ៉ាក់សាំងកូវីដ ១៩ ដល់លោក គីម ជុងអ៊ុន
ដោយដកស្រង់ប្រភពចំនួនពីរមកពីអង្គការស៊ើបការណ៍សម្ងាត់របស់ជប៉ុនដែលមិនបានបញ្ជាក់អត្តសញ្ញាណ និងអ្នកវិភាគអាមេរិកបាននិយាយនៅថ្ងៃអង្គារនេះថា ប្រទេសចិនបានផ្តល់នូវវ៉ាក់សាំងប្រឆាំងជំងឺកូវីដ ១៩ ដល់មេដឹកនាំកូរ៉េខាងជើងលោក គីម ជុងអ៊ុន និងក្រុមគ្រួសាររបស់គាត់ផងដែរ ។
លោក Harry Kazianis អ្នកជំនាញកូរ៉េខាងជើងប្រចាំនៅមជ្ឈមណ្ឌលសម្រាប់ក្រុមអ្នកគិតគូរផលប្រយោជន៍ជាតិនៅទីក្រុងវ៉ាស៊ីនតោនបាននិយាយថា លោក គីម និងមន្ត្រីជាន់ខ្ពស់កូរ៉េខាងជើងមួយចំនួនត្រូវបានចាក់វ៉ាក់សាំងកូវីដ ១៩ រួចហើយ ។
លោកបានបន្ថែមថា វាមិនច្បាស់ទេថាតើក្រុមហ៊ុនណាដែលបានផ្គត់ផ្គង់វ៉ាក់សាំងរបស់ចិនទៅឲ្យក្រុមលោក គីម ហើយថាតើវាបានបង្ហាញពីសុវត្ថិភាព និងប្រសិទ្ធភាពឬអត់ ។
លោក Kazianis បានសរសេរនៅក្នុងអត្ថបទមួយសម្រាប់កាសែតអនឡាញ 19FortyFive ថា “លោក គីម ជុងអ៊ុន និងមន្ត្រីជាន់ខ្ពស់ជាច្រើននាក់ទៀតនៅក្នុងក្រុមគ្រួសារលោក គីម និងបណ្តាញថ្នាក់ដឹកនាំត្រូវបានចាក់វ៉ាក់សាំងកូវីដ ១៩ ក្នុងរយៈពេល ២ ទៅ ៣ សប្តាហ៍ចុងក្រោយនេះដែលផ្គត់ផ្គង់ដោយរដ្ឋាភិបាលចិន ។
ដោយដកស្រង់សម្តីអ្នកវិទ្យាសាស្ត្រពេទ្យសហរដ្ឋអាមេរិកលោក Peter J. Hotez បាននិយាយថា យ៉ាងហោចណាស់មានក្រុមហ៊ុនចិនចំនួន ៣ កំពុងបង្កើតវ៉ាក់សាំងកូវីដ ១៩ ដែលរួមមានក្រុមហ៊ុន Sinovac Biotech ក្រុមហ៊ុន CanSinoBio និងក្រុមហ៊ុន Sinophram Group ។
ក្រុមហ៊ុន Sinophram និយាយថា វ៉ាក់សាំងរបស់ខ្លួនត្រូវបានប្រើប្រាស់ដោយប្រជាជនជិតមួយលាននាក់នៅក្នុងប្រទេសចិនក្នុងការសាកល្បងព្យាបាលដំណាក់កាលទី ៣ ជាសាធារណៈនៃវ៉ាក់សាំងពិសោធន៏កូវីដ ១៩ របស់ពួកគេ ។
ប្រទេសកូរ៉េខាងជើងមិនបានបញ្ជាក់ពីការឆ្លងជំងឺកូវីដ ១៩ នោះទេ ប៉ុន្តែសេវាស៊ើបការណ៍សម្ងាត់ជាតិរបស់ប្រទេសកូរ៉េខាងត្បូងបាននិយាយថា ការផ្ទុះឡើងជំងឺកូវីដ ១៩ នៅទីនោះអាចនឹងកើតមាន ព្រោះប្រទេសនេះមានការដោះដូរពាណិជ្ជកម្ម និងការផ្លាស់ប្តូររវាងប្រជាជន និងប្រជាជនជាមួយប្រទេសចិនដែលជាប្រភពនៃជំងឺរាតត្បាតនេះមុនពេលបិទព្រំដែនកាលពីចុងខែមករា ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ បុរសកូរ៉េខាងជើងដែលលោតផ្លោះរបងព្រំដែនចូលកូរ៉េខាងត្បូងគឺអ្នកហាត់កីឡាម្យ៉ាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ