ព័ត៌មានអន្ដរជាតិ

ហ្វីលីពីនស៊ើបអង្កេតប៉ូលិសជាង១៥០នាក់ពាក់ព័ន្ធសង្គ្រាមគ្រឿងញៀនរបស់លោក Duterte

បានផុស

៥ years មុន

នៅ

ថ្ងៃអង្គារ ៥ តុលា ២០២១

ដោយ

ការស៊ើបអង្កេតដំបូងរបស់រដ្ឋាភិបាលហ្វីលីពីនបានរកឃើញមន្ត្រីប៉ូលិស១៥៤នាក់អាចនឹងជាប់ទោសព្រហ្មទណ្ឌជុំវិញការប្រព្រឹត្តរបស់ពួកគេនៅក្នុងសង្គ្រាមគ្រឿងញៀនហូរឈាមរបស់ប្រធានាធិបតី Rodrigo Duterte ។

រដ្ឋមន្ត្រីក្រសួងយុត្តិធម៌លោក Menardo Guevarra បានប្រកាសកាលពីថ្ងៃអាទិត្យថា ការរកឃើញកើតឡើងប៉ុន្មានសប្តាហ៍ បន្ទាប់ពីតុលាការឧក្រិដ្ឋកម្មអន្តរជាតិ (ICC) បានយល់ព្រមលើការស៊ើបអង្កេតជាផ្លូវការមួយពាក់ព័ន្ធនឹងមនុស្សរាប់ពាន់នាក់ត្រូវបានសម្លាប់ដោយសារចោទប្រកាន់ពីការជួញដូរគ្រឿងញៀនចាប់តាំងពីលោក Duterte កាន់តំណែងក្នុងឆ្នាំ២០១៦។

រដ្ឋាភិបាលបាននិយាយថា ខ្លួននឹងមិនសហការជាមួយការស៊ើបអង្កេតអន្តរជាតិឡើយ ពីព្រោះហ្វីលីពីនមានប្រព័ន្ធយុត្តិធម៌ខ្លួនឯងកំពុងដំណើរការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Duterte អាយុ៧៦ឆ្នាំដែលមានកេរ្តិ៍ឈ្មោះល្បីក្លាហាននឹងតុលាការឧក្រិដ្ឋកម្មអន្តរជាតិដើម្បីឲ្យកាត់ទោសលោក និងបាននិយាយជាសាធារណៈថា លោករីករាយនឹងចូលដេកគុក ដោយសារតែលោកបានសម្លាប់មនុស្សដែលមានចេតនាបំផ្លាញប្រទេសរបស់លោក។

លោក Duterte នឹងចុះចេញពីតំណែងប្រធានាធិបតីឆ្នាំ២០២២ខាងមុខ ហើយអ្នកវិភាគនយោបាយរំពឹងថា លោកនឹងតែងតាំងអ្នកស្នងតំណែងដែលអាចការពារលោកតាមផ្លូវច្បាប់ទាំងនៅក្នុងប្រទេស ឬតុលាការ ICC នៅពេលលោកចាកចេញពីអំណាច។

ក្នុងសុន្ទរកថាកាលពីយប់ថ្ងៃចន្ទ លោក Duterte បាននិយាយថា លោករង់ចាំពាក្យបណ្តឹងប្រឆាំងនឹងលោក ទោះជាលោកបានទទួចថា តុលាការ ICC គ្មានសិទ្ធិជ្រៀតជ្រែករឿងផ្ទៃក្នុងប្រទេសទេ។

លោកមានប្រសាសន៍ថា ៖«ខ្ញុំនឹងត្រៀមខ្លួនការពារខ្លួនឯង។ ICC សូមកុំកុហក»។

ក្រុមសកម្មជនបាននិយាយថា ការបិទបាំងជាប្រព័ន្ធ ហើយការសម្លាប់អ្នកប្រើប្រាស់ និងជួញដូរគ្រឿងញៀនរាប់ពាន់នាក់មិនត្រូវបានកាត់ទោសទេ។ ប៉ូលិសបានបដិសេធចំពោះការធ្វើខុស និងនិយាយថា ការសម្លាប់គឺដើម្បីការពារខ្លួន។

រដ្ឋមន្ត្រីក្រសួងយុត្តិធម៌លោក Guevarra បានប្រាប់អ្នកកាសែតថា ៖«មន្ត្រីប៉ូលិសពាក់ព័ន្ធនឹងករណីទាំងនេះមិនត្រឹមតែទទួលខុសត្រូវតាមរដ្ឋបាលនោះទេ។ ភស្តុតាងមានស្រាប់អាចចង្អុលបង្ហាញពីការទទួលខុសត្រូវព្រហ្មទណ្ឌផងដែរ»។

យោងតាមរដ្ឋាភិបាលថា ការពិនិត្យឡើងវិញគឺជាផ្នែកមួយនៃការប្តេជ្ញាចិត្តរបស់លោក Duterte មុនពេលមហាសន្និបាតអង្គការសហប្រជាជាតិថា ប៉ូលិសដែលទទួលបន្ទុកចំពោះឃាតកម្មនឹងទទួលខុសត្រូវ។

លោក Guevarra ឲ្យដឹងថា ប៉ូលិស និងក្រសួងយុត្តិធម៌បានពិនិត្យករណីចំនួន៥២ដែលជនសង្ស័យត្រូវបានសម្លាប់តាមអ្វីដែលប៉ូលិសបានកត់កំណត់ហេតុថាជាប្រតិបត្តិការប្រឆាំងគ្រឿងញៀន។ អ្នកទាំងនោះនឹងត្រូវបញ្ជូនទៅកាន់ក្រុមស៊ើបអង្កេតរដ្ឋដើម្បីចាត់វិធានការបន្ត។

តាមផ្លូវការ ជនសង្ស័យគ្រឿងញៀន៦២០០នាក់ត្រូវបានសម្លាប់តាមអ្វីដែលប៉ូលិសនិយាយថា ជាការបង្ក្រាបលើជនសង្ស័យមិនព្រមឲ្យចាប់ខ្លួន។ ក្រុមសកម្មជននិយាយថា មនុស្សរាប់ពាន់នាក់ភាគច្រើនជាអ្នកប្រើប្រាស់ អ្នកជួញដូរត្រូវបានសម្លាប់ក្នុងសហគមន៍អនាធិបតេយ្យដោយខ្មាន់កាំភ្លើងអាថ៌កំបាំង៕

ប្រែសម្រួល៖ វីរបុត្រ
ប្រភព៖ CNN

Related Topics:ប្រទេសហ្វីលីពីន

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា