ព័ត៌មានអន្ដរជាតិ

លោក Duterte គំរាមដាក់ទណ្ឌកម្មមន្ត្រីរឿងចាក់វ៉ាក់សាំងកូវីដយឹត

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

ប្រធានាធិបតីហ្វីលីពីន លោក Rodrigo Duterte កាលពីថ្ងៃទី៣ ខែវិច្ឆិកាបានព្រមានដាក់ទណ្ឌកម្មលើមន្ត្រីមូលដ្ឋានសម្រាប់ការធ្លាក់ចុះដែលស្ថិតនៅពីក្រោយគោលដៅចាក់វ៉ាក់សាំងបង្ការកូវីដ-១៩ ស្របពេលប្រទេសកំពុងស្វែងរកការបើកសេដ្ឋកិច្ចឡើងវិញ។

ហ្វីលីពីនដែលជាប្រទេសអាស៊ីរងវិបត្តិកូវីដធ្ងន់ធ្ងរមួយរហូតដល់ពេលនេះបានបានចាក់វ៉ាក់សាំងពេញលេញជាង១ភាគ៣នៃប្រជាជនមានសិទ្ធិចាក់៧៧លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Duterte បានលើកឡើងថា គ្មានមូលហេតុអ្វីទាំងអស់ដែលការចាក់វ៉ាក់សាំងមិនអាចកើនឡើងដល់ហោចណាស់១លាននាក់ក្នុងមួយថ្ងៃ ពីមធ្យម៥០ម៉ឺននាក់ចាប់តាំងពីប្រទេសមានវ៉ាក់សាំងស្តុកទុកគ្រប់គ្រាន់។

ក្នុងថ្លែងសុន្ទរកថាថតទុកចាក់ផ្សាយកាលពីថ្ងៃពុធ លោក Duterte មានប្រសាសន៍ថា ៖«យើងបានឃើញពីបន្ទាត់កំហុសក្នុងរូបភាពទូទៅចំពោះកម្មវិធីចាក់វ៉ាក់សាំងរបស់យើង។ ខ្ញុំមិនពេញចិត្តទេ»។

ប្រធានាធិបតីរូបនេះបញ្ជាក់ថា ៖«មន្ត្រីមូលដ្ឋានដែលមិនបានអនុវត្ត ឬប្រើប្រាស់វ៉ាក់សាំងដែលបានផ្តល់ឲ្យពួកគេឲ្យបានលឿនបំផុតទេ នឹងត្រូវបានដាក់ទណ្ឌកម្ម និងទទួលខុសត្រូវ»។ ទោះបីជាយ៉ាងណាលោកមិនបានបង្អុលបង្ហាញពីទណ្ឌកម្មបែបណាទេ។

រដ្ឋាភិបាលហ្វីលីពីនបានកំពុងបន្ធូរបន្ថយបំរាមកូវីដ-១៩បណ្តើរៗហើយ ហើយកាលពីថ្ងៃពុធបានប្រកាសថា បំរាមគោចរពេលយប់ត្រូវបានដកចេញនៅក្នុងទីក្រុងចាប់ពីថ្ងៃព្រហស្បតិ៍៕

ប្រែសម្រួល៖ វីរបុត្រ
ប្រភព៖ CNA

Related Topics:ប្រទេសហ្វីលីពីន

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា