អ្នកជាសះស្បើយពី អូមីក្រុង អាចមានអាការទាំងនេះជាប់ខ្លួន

ថ្វី​ត្បិត​តែ​ជា​​សះស្បើយ​ពី ​អូមីក្រុង ​​ក៏​ដោយ​​​ ​អ្នកជំងឺអាច​នឹង​ជួប​ផលវិបាក​មួយ​ចំនួន​ ដែលបង្កផលប៉ះពាល់ដល់ការរស់នៅប្រចាំថ្ងៃ​។ យោង​តាម​ការ​តាមដានពីគ្រូពេទ្យនៅប្រទេសថៃ លើអ្នកចាក់វ៉ាក់សាំងបាន ៣ ដូស បានរកឃើញថា អ្នកឆ្លង អូមីក្រុង​ ភាគច្រើនមានស្ថានភាពស្រាលប៉ុណ្ណោះ ប៉ុន្តែបន្ទាប់ពីព្យាបាលជាសះស្បើយប្រហែលមួយខែ អ្នកជំងឺស្រាប់តែលេចចេញអាការមិនប្រក្រតីមួយចំនួនដូចជា៖

-ក្រោយជាសះស្បើយ ប្រហែលមួយខែ អ្នកជំងឺប្រុសម្នាក់ ចាប់ផ្តើមមានអាការនឿយហត់អស់កម្លាំង​ ធ្វើការមិនសូវពេញកម្លាំង ព្រមទាំងមានស្លេស្មញឹកញាប់។

-ចំណែកអ្នកជំងឺស្រ្តីម្នាក់ ក្រោយពេលជាសះស្បើយ មានការប៉ះពាល់សួតបន្តិចបន្តួច មានអាការអស់កម្លាំង ពិបាកជួយខ្លួនឯងក្នុងការបំពេញកិច្ចការប្រចាំថ្ងៃ និងមានបញ្ហាខួរក្បាលតិចតួច។

-ដោយឡែក ស្រ្តីម្នាក់ទៀត បន្ទាប់ពីជាសះស្បើយប្រហែល ៣០ថ្ងៃ នៅតែបន្តមានអាការក្អកមានស្លេស្ម ព្រមទាំងឆាប់ហត់។

-ចុងក្រោយ បុរសម្នាក់ មានអាការពិបាកដកដង្ហើម បណ្ដាលឱ្យដល់ប៉ះពាល់សួតធ្ងន់ធ្ងរ៕

ប្រែសម្រួល៖ សន្យា

ចុចអាន៖ អូមីក្រុង ពួតដៃ ដែលតា បង្កើតវីរុសកូនកាត់ ចេញមកអុកឡុកទៀតហើយ

ចុចអាន៖ ពិភពលោកចាំបាច់ត្រូវចាក់វ៉ាក់សាំងដូសទី ៤ ដើម្បីទប់ អូមីក្រុង (មានវីដេអូ)