ពិភពលោកចាំបាច់ត្រូវចាក់វ៉ាក់សាំងដូសទី ៤ ដើម្បីទប់ អូមីក្រុង (មានវីដេអូ)

ប្រធានទីប្រឹក្សាផ្នែកវេជ្ជសាស្រ្តរបស់សេតវិមានលោក Antony Fauci បានណែនាំថា នៅសហរដ្ឋអាមេរិក និងលើពិភពលោកចាំបាច់ត្រូវចាក់វ៉ាក់សាំងដូសទី ៤ ដើម្បីប្រយុទ្ធប្រឆាំងនឹងវីរុសបំប្លែងខ្លួនអូមីក្រុង ។

លោកវេជ្ជបណ្ឌិត Fauci បាននិយាយក្នុងសន្និសីទសារព័ត៌មានថា “ប្រហែលជាចាំបាច់សម្រាប់ការចាក់ដូសជំរុញមួយទៀត ក្នុងករណីនេះគឺជាដូសទី ៤ សម្រាប់អ្នកដែលទទួលវ៉ាក់សាំងប្រភេទ mRNA ប៉ុន្តែក៏ផ្អែកលើអាយុ ក៏ដូចជាលក្ខខណ្ឌសុខភាពមូលដ្ឋានផងដែរ” ។

ទីប្រឹក្សាវេជ្ជសាស្រ្តកំពូលរបស់ប្រធានាធិបតី ចូ បៃដិន រូបនេះបាននិយាយថា តម្រូវការចាក់ដូសទី ៤ កើតឡើង នៅពេលដែលមនុស្សកន្លះលាននាក់នៅជុំវិញពិភពលោកបានស្លាប់ ដោយសារជំងឺកូវីដ ១៩ ចាប់តាំងពីការលេចឡើងវីរុសបំប្លែងខ្លួនអូមីក្រុងក្នុងខែវិច្ឆិកា ។

ទន្ទឹមនោះ CDC ផ្តល់អនុសាសន៍ថា អ្នកដែលត្រូវបានចាក់វ៉ាក់សាំងគួរតែបន្តពាក់ម៉ាសនៅក្នុងទីតាំងបិទជិត និងនៅទីសាធារណៈ ប្រសិនបើអ្នកស្ថិតនៅក្នុងតំបន់ដែលមានការឆ្លងច្រើន ឬខ្ពស់” ។

ចំណែកអង្គការសុខភាពពិភពលោក (WHO) បាននិយាយថា មានមនុស្សប្រហែល ១០០,០០០ នាក់បានស្លាប់ ចាប់តាំងពីអូមីក្រុងត្រូវបានប្រកាសថាជា “វីរុសបំប្លែងខ្លួនគួរឲ្យព្រួយបារម្ភ” នៅក្នុងសហរដ្ឋអាមេរិក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NDTV

ចុចអាន ៖ ឆ្លង កូវីដ តែ ៣ ថ្ងៃប៉ុណ្ណោះ មនុស្សចាស់មានហានិភ័យជំងឺដាច់សរសៃឈាម ខួរក្បាលខ្លាំងបំផុត