ជំទាវទី១អ៊ុយក្រែន​ ចេញលិខិតថាឲ្យរុស្ស៊ីចំៗ (មានវីដេអូ)

ជំទាវទីមួយនៃប្រទេសអ៊ុយក្រែន បានចេញលិខិតចំហរមួយ ដោយថ្កោលទោស “ការសម្លាប់រង្គាលលើជនស៊ីវិលអ៊ុយក្រែន”។

លោកស្រី Olena Zelenska សរសេរថា “មិនអាចជឿបានទេដែលថា ការវាយលុករបស់រុស្ស៊ីនឹងកើតឡើង ហើយវាបានបង្កើតការពិតដ៏គួរឲ្យរន្ធត់ សម្រាប់មនុស្សរាប់លាននាក់ ជាពិសេសកុមារ”។

ប៉ុន្តែលោកស្រីក៏សាទរចំពោះការតស៊ូរបស់ប្រជាជនអ៊ុយក្រែនផងដែរ។ លោកស្រីសរសេរថា “អ្នកវាយលុកឈ្មោះ Putin គិតថាគាត់នឹងជះកំហឹងលើអ៊ុយក្រែន។ ប៉ុន្តែគាត់បានមើលស្រាលប្រទេសរបស់យើង ប្រជាជនរបស់យើង និងភាពស្នេហាជាតិរបស់ពួកគេ”។

“ខណៈពេលដែលអ្នកឃោសនារបស់វិមានក្រឹមឡាំងអួតថា ប្រជាជនអ៊ុយក្រែននឹងស្វាគមន៍ពួកគេដោយផ្កាក្នុងនាមជាអ្នកសង្គ្រោះ តាមពិតពួកគេត្រូវបានស្វាគមន៍ដោយគ្រាប់បែកសាំងទៅវិញ”។

ស្របពេលជាមួយគ្នានោះ ដោយបង្ហាញពីការដឹងគុណរបស់ខ្លួនចំពោះការគាំទ្រ និងកិច្ចខិតខំប្រឹងប្រែងសង្គ្រោះជាអន្តរជាតិ លោកស្រី Zelenska បានអំពាវនាវដល់ប្រព័ន្ធផ្សព្វផ្សាយពិភពលោក និងពិភពលោកទាំងមូលឲ្យបន្តបង្ហាញពីអ្វីដែលកំពុងកើតឡើងនៅទីនេះ និងបន្តបង្ហាញការពិត។

“ប្រសិនបើ​យើង​មិន​បញ្ឈប់​លោក Putin ដែល​គំរាម​ចាប់​ផ្តើម​សង្គ្រាម​នុយក្លេអ៊ែរ​ទេនោះ ពិភពលោក​នឹង​គ្មាន​កន្លែង​សុវត្ថិភាពសម្រាប់​យើង​ឡើយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ប្រជាជនអ៊ុយក្រែនជាង ១៤ម៉ឺននាក់ វិលមកប្រទេសវិញ ដើម្បីប្រយុទ្ធជាមួយ រុស្ស៊ី