ព័ត៌មានអន្ដរជាតិ
នាយករដ្ឋមន្ត្រីប៉ាគីស្ថានច្រឡំប្រាប់ឈ្មោះ«ប្រទេស»ដែលចង់ឲ្យលោកដួលរលំ
នាយករដ្ឋមន្ត្រីប្រទេសប៉ាគីស្ថាន លោក Imran Khan បាននិយាយឈ្មោះ សហរដ្ឋអាមេរិក ដោយចៃដន្យ ដែលលោកបានអះអាងថាជា«ជាកម្លាំងបរទេសមួយដែលខ្ញុំមិនអាចបញ្ចេញឈ្មោះបាន»គឺមានបំណងចង់ឃើញលោកត្រូវបានដកចេញពីតំណែងតាមរយៈការបោះឆ្នោតមិនទុកចិត្តមួយ។
លោក Khan បានថ្លែងសុន្ទរកថាផ្សាយតាមទូរទស្សន៍កាលពីថ្ងៃព្រហស្បតិ៍ បន្ទាប់ពីមានការបោះឆ្នោតមិនទុកចិត្តមួយប្រឆាំងលើលោកដែលត្រូវបានកែប្រែកាលវិភាគថ្មីថា ៖«អាមេរិកមាន អូ មិនមែនអាមេរិកទេ តែជាប្រទេសបរទេសមួយដែលខ្ញុំមិនអាចបញ្ចេញឈ្មោះបាន» បានផ្ញើសារទៅមេដឹកនាំក្នុងការប្រឹងប្រែងដើម្បីជ្រៀតជ្រែកក្នុងនយោបាយប្រទេសរបស់លោក។
លោក Khan បានទទួលសិខិតខ្លីមួយពីឯកអគ្គរដ្ឋទូតប៉ាគីស្ថានប្រចាំនៅអាមេរិកដែលបញ្ចូលទាំងការកត់ត្រារបស់មន្ត្រីជាន់ខ្ពស់ម្នាក់ពីទីក្រុងវ៉ាស៊ីនតោន ដែលបង្ហាញថា ទំនាក់ទំនងរវាងប្រទេសទាំងពីរនឹងកាន់តែល្អប្រសើរ បើគ្មានវត្តមានរបស់លោក Khan។ នេះបើតាមសារព័ត៌មានក្នុងស្រុកបានផ្សាយកាលពីថ្ងៃព្រហស្បតិ៍។
លោក Khan បានអះអាងដោយបញ្ជាក់ពីខ្លឹមសារលិខិតនោះថា ៖«ពួកគេបាននិយាយថា កំហឹងរបស់ពួកយើងនឹងរលាយបាត់ ប្រសិនបើ Imran Khan ចាញ់ក្នុងការបោះឆ្នោតមិនទុកចិត្តនេះ»។
អ្នកនាំពាក្យក្រសួងការបរទេសអាមេរិក លោក Ned Price បានទទួចថា ការចោទប្រកាន់នោះមិនមែនជាការពិតទេ។ លោកបញ្ជាក់ថា ទីក្រុងវ៉ាស៊ីនតោនបានតាមដានយ៉ាងយកចិត្តទុកដាក់ពីការវិវត្តនៅប៉ាគីស្ថាន ប៉ុន្តែថា ខ្លួនគោរព និងគាំទ្រដំណើរការរដ្ឋធម្មនុញ្ញ និងនីតិរដ្ឋរបស់ប៉ាគីស្ថាន។
វាមិនមែនលើកទី១ទេដែលលោក Khan បានចោទប្រកាន់ទីក្រុងវ៉ាស៊ីនតោតបានជ្រៀតជ្រែកក្នុងកិច្ចការផ្ទៃក្នុងប្រទេសរបស់លោក និងព្យាយាមធ្វើឲ្យមានឥទ្ធិពលលើការសម្រេចចិត្តគោលនយោបាយ។ លោកបានលើកឡើងពីបញ្ហានេះនៅឯការជួបជុំមួយកាលពីថ្ងៃអាទិត្យនៅពេលលោកស្វែងរកកម្លាំងការគាំទ្រ ខណៈក្រុមគណបក្សប្រឆាំងបានប៉ុនប៉ងបណ្តេញលោកចេញ និងរម្លឹកដល់អ្នកគាំទ្ររបស់លោកអំឡុងពេលការផ្សាយកាលពីថ្ងៃព្រហស្បតិ៍ថា ប៉ាគីស្ថានមិនទទួលការគាំទ្រពីអាមេរិកដើម្បីសង្គ្រាមប្រឆាំងនឹងភេរវកម្មឡើយ។
លោក Khan បានបដិសេធឱនក្បាលចំពោះសម្ពាធរបស់អាមេរិក និងថ្កោលទោសរុស្ស៊ីចំពោះការបញ្ជូនទ័ពចូលទៅក្នុងអ៊ុយក្រែន ដោយលើកហេតុផលថា ប៉ាគីស្ថានមិនមានអ្វីទទួលបានពីទង្វើបែបនេះទេ៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ