ព័ត៌មានជាតិ
នៅតាមវត្តអារាមមួយចំនួនមានការរៀបចំសង្ក្រាន្ត ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ
ស្វាយរៀង ៖ នៅសល់តែ៣ថ្ងៃទៀតប៉ុណ្ណោះគឺដល់ថ្ងៃបុណ្យចូលឆ្នាំថ្មីប្រពៃណីជាតិខ្មែរ បើគិតចាប់ថ្ងៃទី១១ ខែមេសា ឆ្នាំ២០២២ គេសង្កេតឃើញនៅតាមទីសាធារណៈមានការរៀបចំតុបតែងលម្អដាក់ភ្លើងពណ៌ចម្រុះតាំងនូវបណ្តាពាក្យស្លោកដើម្បីអបអរសាទរពិធីបុណ្យចូលឆ្នាំថ្មីប្រពៃជាតិខ្មែរជិតចូលមកដល់។
ហើយបើយើងក្រឡេកទៅមើលនៅតាមបណ្តាលទីវត្តអារាមមួយចំនួនក៏មានការរៀបចំសង្ក្រាន្តដើម្បីឲ្យពុទ្ធបរិស័ទប្រជាពលរដ្ឋមកលេងកំសាន្តដោយមានតុបតែងដាក់តាំងនូវសម្ភារៈប្រើប្រាស់ពីបុរាណខ្មែរ ដើម្បីឲ្យក្មេងជំនន់ក្រោយបានស្គាល់។
នៅក្នុងនោះវត្តព្រៃតាអី មានរៀបចំសង្ក្រាន្តដែលមានការសហការចូលរួមជាមួយសហភាពសហព័ន្ធយុវជនកម្ពុជាស្រុកស្វាយទាប និងសម្របសម្រួលពីអាជ្ញាធរដែនដីក្នុងពិធីសង្ក្រាន្តវត្តព្រៃតាអី ដើម្បីអបអរសាទរចូលឆ្នាំថ្មីនេះ។
បើតាមព្រះគ្រូវិសុទ្ធមុនី សៅ ភួន ព្រះចៅអធិការវត្តព្រៃតាអី បានមានសង្ឃដីកាថា ក្នុងកម្មវិធីសង្ក្រាន្តនេះក៏មានការដឹកនាំពុទ្ធបរិស័ទប្រជាពលរដ្ឋលេងនូវល្បែងប្រជាប្រិយរបស់យើងដោយមាន ចោលឈូង ទាញព្រាត់ លាក់កន្សែង វាយក្អម មានការរាំជាក្រុមដែលស្លៀកពាក់របៀបប្រពៃណីខ្មែរ និងមានតន្ត្រីប្រគំរាំកម្សាន្តផងដែរ។
ចំពោះវត្តលក្ខរាជា វិញក៏មានការរៀបចំសង្ក្រាន្ត ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរដែលការសហការចូលរួមពីអាជ្ញាធរដើម្បីបង្កើតភាពសប្បាយជួនដល់ប្រជាពលរដ្ឋមកលេងកម្សាន្តនាឱកាសបុណ្យចូលឆ្នាំថ្មីដែលមានរយៈពេល៣ថ្ងៃគិត ចាប់ពីថ្ងៃទី១៤-១៥-១៦ នៃថ្ងៃបុណ្យចូលឆ្នាំថ្មី។
ព្រះចៅអធិការវត្តលក្ខរាជា បានមានសង្ឃដិកាថា វត្តលក្ខរាជាបានបង្កើតសង្ក្រាន្ត ជាច្រើនឆ្នាំមកហើយក្នុងនោះមានការស្លៀកពាក់របៀបប្រណីខ្មែរនៅក្នុងកម្មវិធី ហើយឆ្នាំនេះព្រះចៅអធិការក៏បានបោះពុម្ពអាវយឺតសង្ក្រាន្តវត្តលក្ខរាជា ចែកជួយញាតិញោមដែលមកលេងកំសាន្តនៅវត្ត និងដឹកនាំលេងល្បែងប្រជាប្រិយខ្មែរ ពិធីតាមសាសនាក្នុងទំនៀមទម្លាប់តាមព្រះពុទ្ធសាសនា និងរាំលេងកម្សាន្ត។
ព្រះគ្រូចៅអធិការ បានរំលឹកដល់បងប្អូនប្រជាពលរដ្ឋពុទ្ធបរិស័ទទាំងអស់ ដែលមកលេងសង្ក្រាន្តគឺត្រូវបន្តចូលរួមទប់ស្កាត់ការរីករាលដាលនៃជំងឺកូវីដ-១៩ ដោយធ្វើតាមការណែនាំរបស់ក្រសួងសុខាភិបាល និងអនុវត្តវិធានការរបស់ប្រមុខរាជរដ្ឋាភិបាលកម្ពុជា “៣កុំ ៣ការពារ និង២ចូលរួម” ឲ្យបានខ្ជាប់ខ្ជួន៕
ដោយ ៖ ភក្ដី
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៧ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន