វប្បធម៌ ជំនឿ

ក្នុងជីវិត គួរដាក់ត្បូងទាំងនេះជាប់ខ្លួន ព្រោះគេជឿថា ជួយការពារពីគ្រោះថ្នាក់ផ្សេងៗ

បានផុស

៤ years មុន

នៅ

ថ្ងៃអង្គារ ២៤ ឧសភា ២០២២

ដោយ

សាង ស្រីល័ក្ខ

យោងតាមជំនឿរបស់អាស៊ី មានត្បូង ៩ ប្រភេទដែលគេជឿថា បើយកមកលម្អរូបកាយ នឹងនាំមកនូវសេចក្តីសុខ លាភ សំណាង ដល់បុគ្គលនោះមិនខាន។

ជាពិសេស សម្រាប់មនុស្សដែលមានជឿលើអបិយជំនឿ គេថា បើត្បូងកណ្ដៀងមានជាប់ខ្លួន នឹងជួបតែរឿងល្អៗជាងសំណាងអាក្រក់។

១ ត្បូងកណ្ដៀង garnet ត្បូងពណ៌ក្រហមនេះ ចាត់ថ្នាក់នៅក្នុងគ្រួសាររបស់អភិជន ព្រោះគេជឿថា វាអាចជួយការពារសុវត្ថិភាពពីគ្រោះថ្នាក់ផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ត្បូងកណ្ដៀង zircon មានច្រើនពណ៌ រួមមាន ក្រហម ទឹកក្រូច លឿង ត្នោត ខៀវ បៃតង ភ្លឺដូចពេជ្រ។ យោងតាមជំនឿគេជឿថា វាអាចជួយការពារជំងឺបាន។ ប្រសិនបើអ្នកដាក់តាមខ្លួន នោះវានឹងបង្កើនទ្រព្យសម្បត្តិ និងភាពរុងរឿងដល់ជីវិត។

៣ គុជខ្យង វាមានពណ៌សដូចគុជខ្យង។ គេជឿថាត្បូងនេះនឹងជួយការពារអាយុជីវិត ហើយក៏ជួយនាំសំណាងចូលក្នុងជីវិតរបស់អ្នកផងដែរ។

៤ ពេជ្រ ត្បូងនេះមានរាងដូចគ្រីស្តាល់ថ្លា មានច្រើនពណ៌ ត្រូវបានគេជឿថា ផ្តល់ការការពារ ជ័យជម្នះលើសត្រូវ វាក៏ជួយការពារសុបិនអាក្រក់ផងដែរ។

៥ ត្បូងកណ្ដៀង topaz ត្បូងពណ៌លឿងនេះ ត្រូវបានគេជឿថា ជួយបង្កើនអំណាច នាំមកនូវសំណាងល្អទ្រព្យសម្បត្តិដល់ម្ចាស់។

៦ ត្បូងមរកតបៃតង នេះត្រូវបានគេជឿថា អាចជួយលុបបំបាត់បញ្ហា វាក៏ជួយឲ្យបុគ្គលនៅលីវយូរឆ្នាំ បានជួបមនុស្សដែលខ្លួនឯងស្រលាញ់ផងដែរ។

៧ ត្បូងកណ្ដៀង chrysoberyl ត្បូងនេះ មានរូបរាងស្រដៀងនឹងភ្នែកឆ្មា ដូច្នេះវាត្រូវបានគេស្គាល់ថា ជាត្បូងភ្នែកឆ្មា ឬពេជ្រភ្នែកឆ្មា។ វាត្រូវបានគេជឿថា អាចជួយការពារ និងលើកកម្ពស់កិត្យានុភាព កេរ្តិ៍ឈ្មោះ និងភាពជោគជ័យ។

៨ ត្បូងទទឹម ត្បូងពណ៌ក្រហមនេះ គេជឿថា អាចការពារសំណាងអាក្រក់ ផ្ដល់អំណាច និងសំណាងល្អដល់ម្ចាស់។

៩ ត្បូងកណ្ដៀងពណ៌ខ្មៅ ត្បូងពណ៌ខ្មៅត្រូវបានគេជឿថា ជួយឲ្យមានសុខភាពល្អ មានអាយុវែង គ្មានជំងឺដំកាត់មកយាយី។

យ៉ាងណាមិញ គ្រូ ណុប សូមបញ្ចាក់ថា នេះគ្រាន់តែជាជំនឿដែលមានបន្តគ្នាពីបុរាណមក! ប្រសិនបើមិត្តអ្នកអានមិនជឿ ក៏មិនថ្វី ព្រោះនេះជាជំនឿបុគ្គលតែប៉ុណ្ណោះ៕

គ្រូ ណុប

ចុចអាន៖ត្រណម ៤ យ៉ាង កុំធ្វើឲ្យសោះ ពេលឡើងទៅនៅផ្ទះថ្មី

ចុចអាន៖វត្ថុនាំសំណាង ឆាប់ជួបគូព្រេង សម្រាប់ថ្ងៃកំណើត ទាំង ៧

Related Topics:ត្បូងមរកត ជំនឿអាស៊ី អបិយជំនឿ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា