ស្ដ្រីលក់ដីខ្យល់​ត្រូវតុលាការ​ផ្ដន្ទាទោស​ដាក់​ពន្ធនាគារ​ ២ ឆ្នាំ និងបង្គាប់​ឱ្យ​សងប្រាក់​ ៥ ម៉ឺន​ដុល្លារ

ចៅក្រមសាលាដំបូងរាជធានីភ្នំពេញលោក ស៊ិន សុវណ្ណរ័ត្ន នៅថ្ងៃទី ៧ ខែមិថុនា ឆ្នាំ ២០២២ បានប្រកាសសាលក្រមសម្រេចផ្តន្ទាទោសស្រី្តម្នាក់ឈ្មោះ សួន ផល្លា អាយុ ៤២ឆ្នាំ ដាក់ពន្ធបាគាររយៈពេល២ឆ្នាំ និង​ពិន័យបា្រក់ ៤លានរៀល ព្រមទាំងបង្គាប់ឲ្យសងលុយទៅដើមបណ្ដឹង ៥ ម៉ឺនដុល្លារ ពីបទឆបោកប្រព្រឹត្តនៅភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

​ជនជាប់ចោទបានឆ្លើយ​សារភាពនៅក្នុងសាលសវនាការ​កាលពីថ្ងៃទី ៩ ខែឧសភា ឆ្នាំ២០២២ថា ខ្លួន​ពិតជាបានលក់ដីខ្យល់ទៅឲ្យដើមបណ្តឹងឈ្មោះ សុខ ម៉េងឡុង ពិតមែនក្នុងតម្លៃ ៣៥ម៉ឺនដុល្លារ ដោយនៅពេលនោះខ្លួនបានទទួល​លុយ​កក់ចំនួន៥ម៉ឺនដុល្លារពីជនរងគ្រោះពិនមែនដោយកុហក​ជនរងគ្រោះថា ខ្លួនយកលុយនេះទៅរត់ការយកប្លង់ដី ប៉ុន្តែពាក្យនោះខ្លួនកុហកដើម​បណ្ដឹងដើម្បី​បាន​លុយគាត់តែប៉ុណ្ណោះ​៕

អត្ថបទ៖ មករា