KPT+
កសិករឃុំទន្លេបិទ ចិញ្ចឹមគោទទួលបានជោគជ័យ តាមការណែនាំពីមន្ត្រីជំនាញបច្ចេកទេស
កសិករ ភូមិតាអ៊ុយ ភូមិភ្នំ ភូមិអន្លង់ពោង និងភូមិអំពិលជ្រុំ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ បានចិញ្ចឹមគោ លក់ទទួលបានផលល្អ បន្ទាប់ពីមុខរបរធ្វើស្រែចម្ការ។ ការចិញ្ចឹមគោប្រកបដោយបទដ្ឋានបច្ចេកទេស ដោយមានការគាំពារពីមន្ទីរកសិកម្មខេត្ត ក្រសួងកសិកម្ម ទាំងការថែទាំ ការចាក់វ៉ាក់សាំង ការចាក់ថ្នាំបំប៉ន ការប្រើពូជស្មៅ ការលាយចំណីឱ្យវាស៉ីបានគ្រប់គ្រាន់ ជាលទ្ធផលកសិករទទួលបានជោគជ័យ ខណៈគោមានទីផ្សារស្រួលលក់ ពិសេសទីផ្សារក្នុងស្រុក។
លោក សុខ ប្រុស អាយុ ៥៣ឆ្នាំ រស់នៅភូមិអន្លង់ពោង បានរៀបរាប់ឱ្យដឹងថា លោកចិញ្ចឹមគោរយៈពេល ៣៥ឆ្នាំមកហើយ។ បច្ចុប្បន្នគោលោកមានចំនួន ១៤ក្បាល ក្នុងនោះមាន មេចំនួន ១០ក្បាល ឈ្មោលចំនួន ៤ក្បាល។
លោកបានបញ្ជាក់ទៀតថា ក្នុងចំណោម៤ភូមិ ខាងលើឃើញថា កសិករពីរភូមិ គឺភូមិអន្លង់ពោង និងភូមិភ្នំ ចិញ្ចឹមគោរហូតដល់ ៨០ ភាគរយ ដែលជាប្រភេទគោស្រែ គោខ្មែរ ធ្វើឱ្យកសិករទទួលផលអាចផ្គត់ផ្គង់ជីវភាពគ្រួសារបានយ៉ាងល្អប្រសើរ។ ក្នុង៤ភូមិនេះ មានកសិករចិញ្ចឹមគោមិនក្រោម ៤០០គ្រួសារនោះទេ ដោយយោងទៅតាមលទ្ធភាពនៃគ្រួសារនីមួយៗ មានចាប់ពី ៥ក្បាល រហូតដល់ ២០ក្បាល តែពួកគាត់ចិញ្ចឹមគោឱ្យស៉ីស្មៅតាមរបៀបធម្មជាតិ។
លោក សុខ ប្រុស បានឱ្យដឹងថា ការចិញ្ចឹមបានផលល្អ គឺដោយមានការយកចិត្តទុកដាក់ពីមន្ទីរកសិកម្មខេត្ត នាយកដ្ឋានក្រសួងកសិកម្ម ចុះមកបណ្តុះបណ្តាលដល់ការចិញ្ចឹមផ្ទាល់ ដោយផ្តល់បច្ចេកទេស ការថែទាំ បាញ់ថ្នាំសម្លាប់មេរោគ ផ្តល់វ៉ាក់សាំងចាក់ មានវ៉ាក់សាំងចាក់ទម្លាក់សត្វល្អិត វ៉ាក់សាំងសារទឹក វ៉ាក់សាំងអុតក្តាម ជាដើម។ លោកមើលឃើញថា ជំនាញមានការយកចិត្តទុកដាក់ដល់កសិករចិញ្ចឹមសត្វមែនទែន ដើម្បីបំផុសវិស័យចិញ្ចឹមគោមានការរីកចម្រើនក្នុងទូទាំងប្រទេស។
លោក សុខ ប្រុស បានបញ្ជាក់ទៀតថា ក្នុងអំឡុងពេលកើតជំងឺឆ្លងកូវីដ-១៩ នាពេលកន្លងមក ស្ថានភាពទីផ្សារមានភាពរអាក់រអួលបន្តិចមែន គឺមិនបានលក់ទាន់ពេលវេលា ដោយសារទីផ្សារលក់មិនសូវដាច់។ បច្ចុប្បន្នទីផ្សារល្អជាងមុន កសិករលក់គោ១ក្បាល តម្លៃ ៣លានរៀល ទៅ៤លានរៀល។ កសិករចិញ្ចឹមតាមបែបធម្មជាតិរយៈពេល១២ខែ ទើបអាចលក់គោបាន គឺលក់ឱ្យទីផ្សារក្នុងស្រុកតែម្តង៕
អត្ថបទ៖ សាន វិឡែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ