កីឡា

អ្នកគាំទ្រសិង្ហបុរី រិះគន់ខ្លាំងៗក្រោយប្រទេសកំណើតខ្លួនចាញ់កម្ពុជា ក្នុងពាន AFF U-19 Championship

បានផុស

៤ years មុន

នៅ

ថ្ងៃចន្ទ ៤ កក្កដា ២០២២

ដោយ

អ្នកគាំទ្រក្រុម U-19 សិង្ហបុរី បានរិះគន់ខ្លាំងៗក្រោយប្រទេសកំណើតរបស់ខ្លួនប្រកួតចាញ់ U-19 កម្ពុជា ក្នុងពានរង្វាន់ជើងឯកយុវជនអាយុក្រោម ១៩ ឆ្នាំ អាស៊ាន (AFF U-19 Boys Championship 2022) លទ្ធផល ០-១ កាលពីល្ងាចថ្ងៃទី ០៣ ខែកក្កដាម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរិះគន់នេះ បន្ទាប់ពីមើលឃើញថា ទម្រង់លេងរបស់ក្រុម U-19 សិង្ហបុរី ហាក់ខុសពីការរំពឹងទុក ជាពិសេសចំពេលដែលគេគិតថា ក្រុមរបស់ខ្លួន អាចយកឈ្នះលើកម្ពុជា ដោយសារកត្តាកាយសម្បទា ក៏ដូចជាកត្តាអភិវឌ្ឍន៍ដែលគិតថា មានប្រៀបជាងតាំងពីដើម និងកត្តាប្រវត្តិសាស្ត្រដែលភាគច្រើន សិង្ហបុរី តែងតែឈ្នះ កម្ពុជា មិនថាឈុតយុវជន ឬឈុតធំ។

អ្នកគាំទ្របានសរសេរអារម្មណ៍ ក៏ដូចជារិះគន់នៅលើទំព័រហ្វេសបុករបស់សហព័ន្ធកីឡាបាល់ទាត់សិង្ហបុរីថា៖ «យើងគួរតែចាញ់ ០-១ ទល់នឹងក្រុមដូចជាថៃ ឬក៏វៀតណាម មិនមែនកម្ពុជាឡើយ។ ហើយនឹងឈ្នះក្រុមដទៃទៀតនៅក្នុងតំបន់ វាមិនពិបាកក្នុងការស្នើសុំនោះទេ។ ការចាញ់កម្ពុជា មិនមែនអ្វីដែលគួរឱ្យមានមោទកភាពទេ។» អ្នកគាំទ្រម្នាក់ទៀតបានសរសេរថា៖ «ខណៈពេលដែលកម្ពុជា មានគ្រូបង្វឹកមកពីជប៉ុនជួយបង្ហាត់ដល់ក្រុមយុវជនស្ទើរគ្រប់ឈុត យើងវិញមានត្រឹមគ្រូបង្វឹកដែលយើងមិនដែលស្គាល់ ហើយជាគ្រូបង្វឹកក្នុងស្រុកទៀត។ ក្នុងដំណាក់កាលថ្នាលបែបនេះគួរណាតែមានគ្រូបង្វឹកដែលមានបទពិសោធន៍ខ្ពស់។»

អ្នកគាំទ្រមួយចំនួនទៀត ក៏បានដាក់កំហុសទៅលើគ្រូបង្វឹក ដោយគេបាននិយាយថា៖ «កីឡាករបានលេងអស់ពីលទ្ធភាពហើយ ប៉ុន្តែគេចាញ់ដោយសារគ្រូបង្វឹក។» «យើងពិតជាត្រូវការការផ្លាស់ប្ដូរគ្រូបង្វឹក U19s។»

គួររំឮកថា កីឡាករ សុវណ្ណ ដូណា ក្លាយជាកីឡាករស៊ុតចូលឱ្យកម្ពុជា យកឈ្នះ សិង្ហបុរី ០-១ គ្រាដែលការប្រកួតនេះក៏មានភាពស្វិតស្វាញផងដែរ ជាមួយនឹងឱកាសទាត់ប្រហាក់ប្រហែលគ្នា ប៉ុន្តែកម្ពុជា ហាក់ធ្វើបានល្អជាង។

U-19 សិង្ហបុរី ឈរនៅលេខ ៤ ក្នុងពូល B មាន ០ពិន្ទុ ហើយប្រកួតបន្ទាប់គេនឹងត្រូវជួប U-19 ទីម័រខាងកើត ដែលទើបតែចាញ់ឡាវ នៅថ្ងៃទី ០៥ ខែកក្កដា ខាងមុខ ផងដែរ៕

អត្ថបទ៖ ណារ៉ុង

Related Topics:ប្រទេសសិង្ហបុរី

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា