សុខភាព
ជំងឺអុតស្វាបាត់រោគសញ្ញា ២ ទៅ ៣ សប្តាហ៍ តែករណីខ្លះអាចឱ្យស្លាប់
ក្រសួងសុខាភិបាលបានឱ្យដឹងថា ជំងឺអុតស្វាមានករណីភាគច្រើនរោគសញ្ញានៃជំងឺនេះ នឹងបាត់ទៅវិញដោយខ្លួនឯងក្នុងរយៈពេល ២ទៅ៣សប្តាហ៍។ ប៉ុន្តែក្នុងករណីខ្លះអាចនាំឱ្យមានភាពស្មុគស្មាញក្នុងការព្យាបាល និងអាចបណ្តាលឱ្យស្លាប់ដែរ។
ក្រសួងសុខាភិបាលបានណែនាំថា ការព្យាបាលជំងឺអុតស្វានេះត្រូវធ្វើការថែទាំតាមបែបគ្លីនិកដើម្បីបង្កើនប្រសិទ្ធភាពពេញលេញ និងកាត់បន្ថយរោគសញ្ញាព្រមទាំងធ្វើការគ្រប់គ្រងផលវិបាកលើសរីរាង្គបន្ថែមបណ្ដាលមកពីជំងឺឆ្លងនេះនិងការការពារផលវិបាកឬស្រឡាករយៈពេលវែងដែលត្រូវអនុវត្តឱ្យបានដិតដល់។
ជាមួយគ្នានេះដែរ ក្រសួងបានណែនាំឱ្យផ្តល់ជាតិទឹកនិងអាហារដល់អ្នកជំងឺឱ្យបានគ្រប់គ្រាន់ ដើម្បីរក្សាស្ថានភាពអាហារូបត្ថម្ភបានល្អ ហើយក្នុងករណីអ្នកជំងឺមានការឆ្លងមេរោគឬបាក់តេរីបន្ទាប់បន្សំគួរតែត្រូវបានព្យាបាលតាមសភាពជាក់ស្ដែង។
ក្រសួងបានបន្តទៀតថា ជំងឺអុតស្វានេះមាន រោគសញ្ញាដូចជាក្តៅខ្លួន ឈឺក្បាលខ្លាំងហើមកូនកណ្ដុរ ឈឺសាច់ដុំនិងចេញកន្ទួលដែលមានពងបែកកន្ទួលមានទំនោរប្រមូលផ្ដុំនៅលើមុខបាតដៃនិងបាតជើងមាត់ប្រដាប់ភេទ និងភ្នែកអាចរងផលប៉ះពាល់ដែលរោគសញ្ញានិងកន្ទួលលើស្បែកមានរយៈពេលជាច្រើនសប្តាហ៍។
ជំងឺនេះឆ្លងតាមរយៈការប៉ះពាល់រាងកាយផ្ទាល់ឬប៉ះពាល់ជិតស្និទ្ធជាមួយអ្នកដែលមានរោគសញ្ញារួមទាំងទំនាក់ទំនងផ្លូវភេទ សម្លៀកបំពាក់ឬសម្ភារៈដូចជាសម្ភារៈបរិភោគអាហារចានក្បានដែលអ្នកកើតជំងឺអុតស្វាបានប្រើប្រាស់ឡូកឡំជាមួយគ្នា ឆ្លងតាមរយៈទឹកមាត់អ្នកជំងឺ(មានដំបៅក្នុងមាត់)ឆ្លងពីអ្នកមានផ្ទៃពោះទៅកូនតាមរយៈទងសុកនឹងឆ្លងពីឪពុកម្ដាយដែលមានវីរុសនេះទៅកូនព្រោះអំឡុងពេលឬក្រោយពេលឆ្លងទន្លេតាមរយៈការប៉ះពាល់នឹងស្បែក។វីសុសនេះមាននៅលើសត្វករកេរព្រៃដែលវីរុសនេះមានជាប្រចាំនៅអាហ្វ្រិកខាងលិចនិងអាហ្វ្រិកកណ្ដាលហើយត្រូវបានកំពុងឆ្លងនៅតំបន់ចំនួន៥នៅលើពិភពលោក។
ចំពោះវិធីការពារខ្លួនក្រសួងបានណែនាំត្រូវរក្សាអនាម័យខ្លួនប្រាណលាងដៃជានិច្ចជាមួយសាប៊ូឬជែលលាងដៃឬអាកលលាងដៃរក្សាអនាម័យផ្លូវដង្ហើម។ជៀសវាងការប៉ះពាល់ដោយផ្ទាល់ជាមួយអ្នកជំងឺអុតស្វាត្រូវអនុវត្តន៏ការរួមភេទប្រកបដោយសុវត្ថិភាពដោយប្រើស្រោមអនាម័យ បរិភោគចំណីអាហារដែលឆ្អិនល្អនិងរក្សាអនាម័យអាហារទាំងការចម្អិនអាហារឲ្យបានល្ អជៀសវាងការប៉ះពាល់ជាមួយសត្វរស់ឬស្លាប់។
កម្ពុជាបានរកឃើញករណីជំងឺអុតស្វាជាលើកដំបូងទៅលើបុរសជនជាតិនីហ្សេរីយ៉ាអាយុ ២៧ ឆ្នាំដែលបានរត់គេចពីប្រទេសថៃចូលមកកម្ពុជា ហើយត្រូវបានឃាត់ខ្លួនបញ្ជួនទៅព្យាបាលនៅមន្ទីរពេទ្យរុស្សី។ គ្រូពេទ្យបានធ្វើតេស្តម្តងទៀតទៅលើអ្នកជំងឺនៅតែមានវិជ្ជមានដដែល។
ជាមួយគ្នានេះដែរ ក្រសួងសុខាភិបាលបានស្រាវជ្រាវរកឃើញអ្នកពាក់ព័ន្ធ សរុបចំនួន ៥នាក់ហើយបានណែនាំឱ្យពួកគាត់ដាក់ខ្លួននៅដោយឡែកពីក្រុមគ្រួសារ និងបន្តតាមដានសុខភាពរៀងៗខ្លួន ហើយត្រូវរាយការណ៍ជូនក្រុមគ្រូពេទ្យ ប្រសិនបើមានចេញរោគសញ្ញាណាមួយដែលសង្ស័យ និងរក្សាសណ្តាប់ធ្នាប់សុវត្ថិភាពឃ្លាំមើលដោយអាជ្ញាធរមានសមត្ថកិច្ចនៃរដ្ឋបាលរាជធានីភ្នំពេញ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង