ព័ត៌មានជាតិ

អភិបាលក្រុងបាវិតដឹកនាំមន្ត្រីក្រោមឱវាទ និងព្រះសង្ឃ ដាំកូនឈើតាមបណ្តោយផ្លូវចូលទីវត្តអារាម

បានផុស

៤ years មុន

នៅ

ថ្ងៃចន្ទ ២៩ សីហា ២០២២

ដោយ

ស្វាយរៀង ៖ លោក លឹម សៀងហេង អភិបាលក្រុងបាវិត នៅព្រឹកថ្ងៃទី២៩ ខែសីហា ឆ្នាំ២០២២ បានដឹកនាំមន្ត្រីសាលាក្រុងបាវិតរួមនិងព្រះចៅអធិការវត្តតាពៅ បានរៀបចំពិធីដាំកូនឈើប្រភេទផ្កាហ្វីលីបចំនួន៥០ដើមតាមបណ្តោយផ្លូវចូលទៅវត្តតាពៅ ស្ថិតក្នុងសង្កាត់បាវិតក្រុងបាវិតខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លឹម សៀងហេង អភិបាលក្រុងបាវិត បានឲ្យដឹងថា នៅថ្ងៃនេះរដ្ឋបាលក្រុងបានធ្វើដាំកូនឈើ នៅបណ្ដោយផ្លូវមុខវត្តតាពៅចំនួន៥០ ដើម (ប្រភេទផ្កា ហ្វីលីប) ក្រោមការដឹកនាំ លោក លឹម សៀងហេង អភិបាលនៃគណៈអភិបាលក្រុងបាវិត ព្រមទាំងមានការចូលរួមពី ព្រះចៅចៅអធិការវត្តតាពៅ លោកអភិបាលរងក្រុងបាវិត លោកអធិការនគរបាលក្រុង លោកប្រធាន អនុប្រធានការិយាល័យ មន្ត្រីរាជការសាលាក្រុងបាវិត លោកគ្រូលោកតាអាចារ្យវត្តតាពៅ លោកមេភូមិ អនុភូមិតាពៅ ស្ថិតនៅភូមិតាពៅ សង្កាត់បាវិត ក្រុងបាវិត ក្នុងបំណងដើម្បីលំអសោភណ្ឌភាពស្រស់បំព្រងនៅតាមបណ្តោយផ្លូវចូលទៅកាន់ទីវត្ត។

ប្រភពដដែលបានបន្តថា នេះពុំមែនជាលើកដំបូងនោះទេពីព្រោះថា នាពេលកន្លងមករដ្ឋបាលក្រុងក៏ធ្លាប់បានធ្វើការដាំកូនឈើជាច្រើនផងដែរ មានប្រភេទកូន គ្រញូង ធ្នង់ លឿងរាជ ហើយជាងនេះទៅទៀតក្រុងបាវិតក៏មានសួនអាពាហ៍ពិពាហ៍មួយផងដែរ ដែលជាកន្លែងសម្រាប់ឲ្យគូស្វាមីភរិយាថ្មីធ្វើការដាំកូនឈើទុកជាអនុស្សាវរីយ៍ផងដែរ៕

ដោយ ៖ ភក្ដី