ជីវិតកម្សាន្ដ

អ្នកគ្រប់គ្រងផ្ទាល់ខ្លួន Aum ទម្លាយប្រាក់ខែលើកដំបូង និងធ្លាប់ធ្វើឲ្យតារាពីររូប ល្បីល្បាញសព្វថ្ងៃ

បានផុស

៣ years មុន

នៅ

ថ្ងៃព្រហស្បតិ៍ ១ កញ្ញា ២០២២

ដោយ

នាយ A Supachai បានប្រាប់ពីប្រវត្តិនៃការក្លាយខ្លួនជាអ្នកគ្រប់គ្រងផ្ទាល់ខ្លួនរបស់ Aum Patcharapa និងតារាផ្សេងទៀត ព្រមទាំងទម្លាយពីប្រាក់ខែដែលតារាជួរមុខរូបនេះ បានផ្ដល់ឲ្យគាត់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនក្លាយជាតារាល្បីក្នុងវិស័យសិល្បៈ A-Supachai Sriwichit ដែលទើបចេញពីកម្មវិធីនៅប៉ុស្តិ៍ GMM 25 បានបើកចំហអំពីការក្លាយជាអ្នកគ្រប់គ្រងរបស់កំពូលតារាស្រី Aum Patcharapa ថា Aum ជាសិស្សរៀននៅសកលវិទ្យាល័យ Rangsit។ នៅពេលនោះ Aum ចាប់ផ្តើមចូលប្រឡូកក្នុងវិស័យសិល្បៈ ហើយនាងបានឃើញ លោកអត់ការងារធ្វើ ព្រោះទើបតែរៀនចប់។ ពេលនោះ Aum ប្រាប់ឲ្យគាត់ក្លាយជាអ្នកគ្រប់គ្រង ហើយបានសួរថា តើយកប្រាក់ខែប៉ុន្មាន? នៅពេលនោះនាងបានផ្តល់ប្រាក់ខែចំនួន ៨ ពាន់បាត ហើយ Aum បានផ្តល់គំនិតថា Supachai អាចធ្វើជាអ្នកគ្រប់គ្រងឲ្យតារាដទៃទៀតបាន។ ដូច្នេះ លោកក៏បានទៅធ្វើជាអ្នកគ្រប់គ្រងឲ្យតារាសម្ដែងប្រុស Po, Nattawut, Weir, Note Watcharabul, Bebe, Kan the Star, Angie Hatting ជាដើម។

អ្នកគ្រប់គ្រងរូបនេះក៏បានបន្ថែមទៀតថា វិធីសាស្រ្តនៃការជ្រើសរើសយកអ្នកណា គឺត្រូវមានភាពស្មោះត្រង់ និងមានព្រំដែនខ្លះសម្រាប់គ្រប់គ្នា។ ខណៈពេលនោះតារាសម្ដែង Weir ក៏បានណែនាំ Nadech ឲ្យលោកបានស្គាល់ផងដែរ។ យ៉ាងណាមិញ ក្នុងនាមជាអ្នកគ្រប់គ្រង លោកថាត្រូវតែធ្វើគ្រប់ផ្នែកឲ្យមានសមត្ថភាពខ្លាំង ដូច Weir និង Nadech ទទួលបានមកដល់ពេលនេះ នោះគឺភាពល្បីល្បាញដែលពួកគេខំប្រឹង។ តារាភេទទី៣រូបនេះ ក៏និយាយទាំងសប្បាយចិត្តថា សប្បាយចិត្តខ្លាំងណាស់ ដែលអាចបង្កើតសុភមង្គលដល់មនុស្សគ្រប់គ្នា ឲ្យល្បីល្បាញមកដល់ថ្ងៃនេះ៕

ប្រែសម្រួល៖ សាង ស្រីល័ក្ខ

ចុចអាន៖Kwan បញ្ចេញឃ្លិបសិចស៊ី លុបបំបាត់ព័ត៌មានចចាមអារ៉ាមថានាងស្លាប់

ចុចអាន៖កម្រឃើញ! Pancake បង្ហាញទិដ្ឋភាពជីវិតស្ត្រីមេផ្ទះ ចាំញ៉ាំបាយជាមួយស្វាមី (មានវីដេអូ)