កីឡា

មេ OCA ថា កម្ពុជាអាចរៀបចំកីឡាអាស៊ីបានពេលខាងមុខ

បានផុស

២ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

នៅពេលមានវត្តមានក្នុងមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ កាលពីថ្ងៃទី៤ ខែតុលា កន្លងទៅ លោក Raja Randhir Singh ប្រធានស្តីទីក្រុមប្រឹក្សាកីឡាអូឡាំពិកអាស៊ី (OCA) បាននិយាយថា រាជរដ្ឋាភិបាលបានគាំទ្រខ្លាំងណាស់ចំពោះកីឡានៅក្នុងប្រទេសកម្ពុជា។ ប្រជាជនកំពុងមានឆន្ទៈជួយ និងរួមចំណែកក្នុងការរៀបចំព្រឹត្តិការណ៍កីឡា។

លោក Raja Randhir Singh និងសម្តេចតេជោ ហ៊ុន សែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ កម្ពុជាបាននិងកំពុងកសាងហេដ្ឋារចនាសម្ព័ន្ធកីឡាជាបន្តបន្ទាប់។ ជាក់ស្តែង ពហុកីឡដ្ឋានជាតិមរតកតេជោដ៏ធំ ទំនើប និងស្តង់ដាអន្តរជាតិ ហើយបរិវេណពហុកីឡដ្ឋានក៏មានទីលានកីឡាផ្សេងៗជាច្រើន។ ទាំងនេះហើយជាកត្តាដ៏សំខាន់។

លោកបានសង្កត់ធ្ងន់ថា កម្ពុជាទទួលរៀបចំស៊ីហ្គេម និងប៉ារ៉ាហ្គេម គឺជាការជម្រុញដ៏ធំ និងជាជំហានដ៏ត្រឹមត្រូវ»។

«ឆ្នាំ២០២៩ កម្ពុជានឹងរៀបចំកីឡាយុវជនអាស៊ី។ ខ្ញុំជឿថា ថ្ងៃអនាគត កម្ពុជាក៏អាចទទួលរៀបចំកីឡាអាស៊ីបាន។ ហេតុអ្វីមិនអាច? ខ្ញុំជឿលើសមត្ថភាពរបស់កម្ពុជា។ កម្ពុជាមានព្រឹត្តិការណ៍កីឡា២គឺកីឡាស៊ីហ្គេម បន្ទាប់មកកីឡាយុវជនអាស៊ី។ អីចឹងកម្ពុជាក៏អាចទទួលរៀបចំកីឡាអាស៊ីបានដែរ»។ លោកមានសុទិដ្ឋិ។

កម្ពុជាបានទទួលធ្វើម្ចាស់ផ្ទះរៀបចំការប្រកួតព្រឹត្តិការណ៍កីឡាសំខាន់ធំ៣នាពេលខាងមុខគឺ ស៊ីហ្គេម, អាស៊ានប៉ារ៉ាហ្គេម និងកីឡាយុវជនអាស៊ី។ នៅឆ្នាំ២០២៣ កីឡាស៊ីហ្គេមនឹងធ្វើនាខែឧសភា និងកីឡាអាស៊ានប៉ារ៉ាហ្គេម នឹងធ្វើនៅខែមិថុនា ខណៈកីឡាយុវជនទ្វីបអាស៊ី នឹងធ្វើនៅឆ្នាំ២០២៣៕កីឡាស៊ីហ្គេមនឹងធ្វើនាខែឧសភា ឆ្នាំ២០២៣ និងកីឡាអាស៊ានប៉ារ៉ាហ្គេម នឹងធ្វើនៅខែមិថុនា ឆ្នាំ២០២៣ ខណៈកីឡាយុវជនទ្វីបអាស៊ី នឹងធ្វើនៅឆ្នាំ២០២៣៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣