មូលហេតុពីរគត់នាំឱ្យ Matthew ក្លាយជាពិធីករកម្មវិធី MGI ៣ឆ្នាំជាប់គ្នា

ប្រិយមិត្តនិយមតាមដានកម្មវិធី Miss Grand International មុខជាស្គាល់ច្បាស់ពិធីកររូបសង្ហា និងសម្បូរវោហារសព្ទ Matthew Dean ដែលតែងធ្វើឱ្យកម្មវិធីប្រកួតសម្រស់មួយនេះមានភាពរស់រវើកទ្វេឡើងដោយសារវត្តមានរបស់លោក។

ក្នុងរយៈពេល ៣ឆ្នាំជាប់គ្នានេះ ពោលគឺកំឡុងឆ្នាំ២០២០-២០២២ ពិធីករទូរទស្សន៍ និងតារាសម្ដែងថៃ Matthew Dean មានឱកាសក្ដោបបានតំណែងជាពិធីករកម្មវិធីលំដាប់អន្តរជាតិ Miss Grand International ដែលអំឡុងពេលបំពេញតួនាទីលោកទទួលបានការគាំទ្រយ៉ាងច្រើនពីទស្សនិកជន ព្រមទាំងការស្រឡាញ់ចូលចិត្តពីបេក្ខភាពបវរកញ្ញាគ្រប់ជំនាន់ផងដែរ។

លើសពីរូបរាងស្រស់សង្ហា តារាវ័យ ៤៤ឆ្នាំរូបនេះ ជាតារាប្រុសដែលចេះប្រើភាសាអង់គ្លេសបានយ៉ាងស្ទាត់ មិនថាការទំនាក់ទំនង និងការបញ្ចេញសំឡេងនោះទេ។ មូលហេតុនេះ លោកត្រូវបានស្ថាប័ន MGI ជ្រើសរើសជាពិធីករអត្ថាធិប្បាយក្នុងវគ្គផ្ដាច់ព្រ័ត្ររហូតដល់ ៣ឆ្នាំជាប់ៗគ្នា។ មិនតែប៉ុណ្ណោះ ប៉ាប៉ាកូន៣រូបនេះ ចេះក្លែមពាក្យសម្ដីជាមួយបេក្ខភាពបវរកញ្ញា គណៈកម្មការ និងទស្សនិកជន ធ្វើឱ្យបរិយាកាសមានភាពសប្បាយរីករាយ​ ហើយបទពិសោធន៍ជាពិធីកររយៈពេល ៣ឆ្នាំកន្លងមក លោកមិនធ្លាប់សាងកំហុសនោះទេ៕

ប្រែសម្រួល៖ សន្យា

ចុចអាន៖ ក្រោយរកឃើញម្ចាស់មកុដ គណនីផ្លូវការទាំងពីររបស់ Miss Grand International បាត់អ្នក Follow ត្រឹមមួយយប់

ចុចអាន៖ មុនក្លាយជាម្ចាស់មកុដ MGI ឆ្នាំនេះ​ បវរកញ្ញា Isabella Menin ជាសកម្មជនមនុស្សធម៌ និងមានប្រវត្តិអប់រំខ្ពស់