ព័ត៌មានជាតិ
រយៈពេល ៣៥ថ្ងៃ មានអ្នកចុះឈ្មោះបោះឆ្នោតថ្មីជាង ៤០ម៉ឺននាក់ លើសការប៉ាន់ស្មានរបស់ គ.ជ.ប ជាង ៥ម៉ឺននាក់
មន្ត្រីជាន់ខ្ពស់ គ.ជ.ប បានឲ្យដឹងថា ការចុះឈ្មោះបោះឆ្នោតថ្មីឆ្នាំ ២០២២ គិតត្រឹមថ្ងៃទី ២៣ ខែវិច្ឆិកា មានអ្នកចុះឈ្មោះបោះឆ្នោតថ្មីជាង ៤០ម៉ឺននាក់ ដោយចំនួនបានលើសការប៉ាន់ស្មានរបស់ គ.ជ.ប ប្រមាណជាង ៥ម៉ឺននាក់ហើយ។
ការចុះឈ្មោះបោះឆ្នោត ចាប់ពីថ្ងៃទី ២០ ខែតុលា ដល់ថ្ងៃទី ២៣ ខែវិច្ឆិកា ឆ្នាំ ២០២២ មានប្រជាពលរដ្ឋចុះឈ្មោះបោះឆ្នោតថ្មីចំនួន ៤៦២,៦៧៤នាក់។ ការប៉ាន់ស្មានរបស់ គ.ជ.ប សម្រាប់ការចុះឈ្មោះបោះឆ្នោតថ្មីឆ្នាំ ២០២២នេះ អាចនឹងមានប្រជាពលរដ្ឋចំនួន ៤០៩,០៥៦នាក់ ទៅចុះឈ្មោះបោះឆ្នោត។
លោក សោម សូរីដា អគ្គលេខាធិការរង និងអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មី នៅថ្ងៃទី ២៤ ខែវិច្ឆិកានេះថា ក្នុងរយៈពេល ៣៥ថ្ងៃកន្លងមកនេះ ការចុះឈ្មោះអ្នកបោះឆ្នោតថ្មី មានចំនួនលើសការប៉ាន់ស្មានរបស់ គ.ជ.ប ជាង ៥ម៉ឺននាក់ហើយ។
លោកថា «អញ្ចឹងចំនួនដែលចុះថ្មីនេះ បើធៀបទៅនឹងចំនួនប៉ាន់ស្មានប្រជាពលរដ្ឋ ដែលលោកអាចអញ្ជើញមកចុះឈ្មោះថ្មី នៅក្នុងផែនការហ្នឹង គឺលើសផែនការហើយ បានន័យថា លើសជាង ៥ម៉ឺននាក់ហើយ»។
ទោះជាយ៉ាងណាក៏ដោយ គ.ជ.ប នៅតែបន្តចុះឈ្មោះប្រជាពលរដ្ឋខ្មែរ ដែលបំពេញតាមលក្ខខ័ណ្ឌនៃការចុះឈ្មោះបោះឆ្នោត រហូតដល់ថ្ងៃទី ៨ ខែធ្នូ ឆ្នាំ ២០២២ ពោលគឺនៅសល់ ១៥ថ្ងៃទៀត ទើបបិទបញ្ចប់ការចុះឈ្មោះបោះឆ្នោតថ្មីឆ្នាំ ២០២២។
អ្នកនាំពាក្យ គ.ជ.ប បានឲ្យដឹងដែរថា ក្នុងរយៈពេល ៣៥ថ្ងៃ នៃដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ ២០២២នេះ គឺ គ.ជ.ប បានលុបឈ្មោះប្រជាពលរដ្ឋ ចេញពីបញ្ជីឈ្មោះបោះឆ្នោតប្រមាណជា ២០ម៉ឺននាក់។ ក្នុងចំណោមឈ្មោះប្រជាពលរដ្ឋ ដែលត្រូវលុបចេញពីបញ្ជីឈ្មោះបោះឆ្នោតប្រមាណ ២០ម៉ឺននាក់នេះ គឺមានមូលហេតុសំខាន់ពីរ គឺទីមួយ. ដោយសារមានអ្នកទទួលមរណៈភាព, ទីពីរ. ដោយសារមានអ្នកបានផ្លាស់ប្ដូរទីលំនៅថ្មី។
លោក សោម សូរីដា បានបញ្ជាក់ថា «ប៉ុន្តែយ៉ាងណាក៏ដោយ ឈ្មោះដែលត្រូវលុបចេញចំនួន ២០ម៉ឺននាក់នេះ ដោយមូលហេតុសំខាន់មួយ គឺគាត់បានផ្លាស់ចេញ ចឹងនៅពេលដែលគាត់ចូលទៅក្នុងឃុំ-សង្កាត់ថ្មីចំនួនជាង ២០ម៉ឺននាក់នេះ បានចុះឈ្មោះថ្មីចំនួនប្រមាណជាង ១៣ម៉ឺននាក់ដែរ»។
សូមជម្រាបថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ ២០២២ បាននិងកំពុងប្រព្រឹត្តទៅចាប់ពីថ្ងៃទី ២០ ខែតុលា ដល់ថ្ងៃទី ៨ ខែធ្នូ ឆ្នាំ ២០២២ គិតទាំងថ្ងៃសៅរ៍ និងថ្ងៃអាទិត្យ ផងដែរ៕
អត្ថបទ៖ ឃួន សុភ័ក្រ
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល