កីឡា
ហ្វីលីពីន ទើបតែរកគ្រូបង្វឹកថ្មីបាន ១២ ថ្ងៃ មុនបើកឆាកជួប កម្ពុជា ក្នុងពាន AFF Cup 2022
សហព័ន្ធកីឡាបាល់ទាត់ហ្វីលីពីន នៅថ្ងៃទី ០៨ ធ្នូ ម្សិលមិញ បានតែងតាំងគ្រូបង្វឹកថ្មីជាផ្លូវការ ដើម្បីដឹកនាំក្រុមជំនួសគ្រូបង្វឹកសញ្ជាតិអាមេរិក លោក Thomas Dooley ដែលជាអ្នកសម្រេចលើបញ្ជីឈ្មោះកីឡាករបច្ចុប្បន្នកំពុងហ្វឹកហាត់។
លោក Josep Ferré Ybarz បានចូលកាន់តំណែងជាគ្រូបង្វឹកក្រុមជម្រើសជាតិហ្វីលីពីន មុនការប្រកួតពានរង្វាន់ជើងឯកប្រចាំតំបន់អាស៊ីអាគ្នេយ៍ ឆ្នាំ ២០២២ (AFF Mitsubishi Electric Cup 2022) នៅចុងខែនេះ ពោលគឺ ១២ ថ្ងៃមុនជួប កម្ពុជា នៅរាជធានីភ្នំពេញ ខណៈពានរង្វាន់ AFF Mitsubishi Electric Cup 2022 នឹងចាប់ផ្ដើមនៅថ្ងៃទី ២០ ខែធ្នូ ឆ្នាំ ២០២២ រហូតដល់ថ្ងៃទី ១៦ ខែមករា ឆ្នាំ ២០២៣។
អ្នកចាត់ការក្រុមរហស្សនាមឆ្កែអនាថា ‘Azkals’ លោក Dan Palami ត្រូវបានគេដកស្រង់សម្ដីដោយនិយាយថា លោក Ferre “គឺសក្ដិសមសម្រាប់ក្រុមដែលភាគច្រើនមានកីឡាករវ័យក្មេង និងសកម្មរបស់យើង”។
លោក Josep Ferré Ybarz សញ្ជាតិអេស្ប៉ាញ មានវ័យ ៣៩ ឆ្នាំ បានចាប់ផ្ដើមអាជីពរបស់ខ្លួននៅកម្រិតថ្នាលយុវជន ដែលនៅពេលមួយលោកបានបម្រើការនៅ FC Barcelona Escola ដែលជាសាលាបាល់ទាត់របស់ក្លិប FC Barcelona។
បន្ទាប់មកលោកបានចូលរួមដឹកនាំក្រុមយុវជនថ្នាលរបស់ក្លិប Buriram United Academy នៃលីគថៃ មុនពេលផ្លាស់ទៅក្រុមលីគកំពូលថៃ គឺក្លិប Ratchaburi Mitr Phol FC និង Bangkok Glass FC បច្ចុប្បន្នជាក្លិប BG Pathum United ដែលជាក្លិបខ្លាំងនៅថៃ ព្រមទាំងធ្លាប់ជាជំនួយការនៅ ក្លិប East Bengal (លីគកំពូលឥណ្ឌា)។
សម្រាប់ពានរង្វាន់ AFF Mitsubishi Electric Cup 2022 ហ្វីលីពីន ស្ថិតក្នុងពូល A ជាមួយក្រុមការពារតំណែងជើងឯក ថៃ, ឥណ្ឌូណេស៊ី, កម្ពុជា និងប្រ៊ុយណេ៕
ប្រភព ៖ spin.ph
អត្ថបទ ៖ មន្នីរ័ត្ន
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ