ពូទីន ព្រមានថា ប្រទេសណាបាញ់នុយក្លេអ៊ែរដាក់រុស្ស៊ី ប្រទេសនោះនឹងភ្លក់ អាវុធល្បឿនលឿនជាងសំឡេង ហើយបាត់មុខពីផែនដី

លោក វ្ល៉ាឌីមៀរ ពូទីន បានប្តេជ្ញាកាលពីថ្ងៃសុក្រទី០៩ខែធ្នូថា ប្រទេសណាក៏ដោយ ឲ្យតែហ៊ានវាយប្រហាររុស្ស៊ីដោយអាវុធនុយក្លេអ៊ែរ ប្រទេសនោះនឹងត្រូវបាត់មុខផែនដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីរុស្ស៊ីរូបនេះនិយាយថា ប្រទេសរបស់លោកមិនមានភាពចាំបាច់ ដើម្បីបើកការវាយប្រហារនុយក្លេអ៊ែរមុននោះទេ មិនដូចសហរដ្ឋអាមេរិកឡើយ ប៉ុន្តែអាវុធដែលមានល្បឿនលឿនជាងសំឡេងនឹងធានាថា វាអាចឆ្លើយតបដោយកម្លាំងប្រសិនបើខ្លួនរងការវាយប្រហារ។

ការ​អត្ថាធិប្បាយ​របស់​លោក​ បាន​ធ្វើ​ឡើង​បន្ទាប់​ពី​កិច្ច​ប្រជុំ​ របស់​ថ្នាក់​ដឹក​នាំ​តំបន់​នៅ​ក្នុង​រដ្ឋធានី ប៊ីស្កេក របស់ កៀហ្ស៊ីស៊ីស្ថាន។

លោក ពូទីន ក៏បានប្រាប់អ្នកសារព័ត៌មានផងដែរថា កិច្ចព្រមព្រៀងមួយ នឹងត្រូវធ្វើឡើងជាលើកចុងក្រោយ ដើម្បីបញ្ចប់ជម្លោះនៅអ៊ុយក្រែន។ លោក​​អះអាង​ថា វិមាន​ក្រឹមឡាំង​បាន​បើក​ចំហ​ដើម្បី​ឈាន​ដល់​កិច្ច​ព្រម​ព្រៀង​មួយ ប៉ុន្តែ​បាន​ប្រកាស​ថា ភាព​ទុក​ចិត្ត​ជាមួយ​មហាអំណាច​លោក​ខាង​លិច និង​អ៊ុយក្រែន​គឺ “ស្ទើរតែ​សូន្យទៅហើយ”។

ថ្លែងទៅកាន់ប្រព័ន្ធផ្សព្វផ្សាយ បន្ទាប់ពីកិច្ចប្រជុំជាមួយមេដឹកនាំនៃសហភាពសេដ្ឋកិច្ចអឺរ៉ាស៊ី ដែលមានដូចជារុស្ស៊ី បេឡារុស កាហ្សាក់ស្ថាន កៀហ្ស៊ីស៊ីស្ថាន និងអាមេនី, លោកពូទីនបាននិយាយថា រុស្ស៊ីចង់ស្វែងរកដំណោះស្រាយដោយសន្តិវិធីនៅអ៊ុយក្រែន ប៉ុន្តែត្រូវបានក្បត់ដោយការបំពានព្រមព្រៀងទីក្រុង មីនស្កិ៍៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ដឹងទេ អ្នកទោសរុស្ស៊ី ដែលអាមេរិកទើបដោះលែង គឺជាស្តេចជួញដូរអាវុធ មានប្រវត្តិមិនធម្មតា!