ទើបដឹង ! សាយ កាលពីកុមារភាពធ្លាប់រស់នៅប្រទេសឡាវរយៈពេល៥ឆ្នាំ

តារាចម្រៀងប្រុសOriginal Song លោក អួន បឋម ហៅ សាយ បច្ចុប្បន្នត្រូវបានគេមើលឃើញថា លោកកាន់តែមានការគាំទ្រ និងមានប្រជាប្រិយភាពខ្លាំងតាមរយ:ការងារសប្បុរសធម៌ជួយសង្គម និងវិស័យសិល្ប:។

ដោយឡែក ងាកមកចាប់អារម្មណ៍អតីតកាលរបស់លោកកាលពីកុមារភាពវិញ ត្រូវបាន សាយ បង្ហើបឲ្យដឹ ងថាលោកធ្លាប់រស់នៅប្រទេសឡាវរយ:ពេល៥ឆ្នាំដោយក្នុងនោះ លោកក៏មានទំនាក់ទំនងល្អជាមួយរដ្ឋមន្ត្រីក្រសួងព័ត៌មាន វប្បធម៌ និងទេសចរណ៍ឡាវថែមទៀត។

លោក សាយបានឲ្យដឹងថា ឆ្លៀតកំឡុងពេលធ្វើបេសកកម្មនៅប្រទេសឡាវ លោកបានទៅសួរសុខទុក្ខផ្ទះចាស់ដែលលោកធ្លាប់រស់នៅកាលពីកុមារភាពអស់រយៈពេល៥ឆ្នាំ ព្រមទាំងបានសម្ដែងការគួរសម និងអប អរសាទរលោកស្រី Suanesavanh VIGNA KET រដ្ឋមន្ត្រីក្រសួងព័ត៌មាន វប្បធម៌ និងទេសចរណ៍ឡាវសម្រាប់ការឡើងកាន់តំណែងថ្មី ព្រោះមិនបានជួបលោកស្រីយូរឆ្នាំមកហើយ ចាប់ពីពេលរីករាលដាលនៃជំងឺកូវីដ-១៩។

តារាប្រុសរូបសង្ហារសកម្មលើការងារមនុស្សធម៌លោ ក សាយ បាននិយាយអរគុណលោកស្រី Suanesavanh VIGNA KET សម្រាប់ការទទួលស្វាគមន៍យ៉ាងកក់ក្តៅ ពិតជាមានអារម្មណ៍នឹកនាដល់លោកតាលោកយាយ និងកន្លែងដែលលោកធ្លាប់រត់លេងក្នុងបរិវេទផ្ទះនេះ៕

ដោយ៖ ចាន់រ៉ា