ព័ត៌មានអន្ដរជាតិ
សេចក្តីរាយការណ៍៖ ឥណ្ឌា គ្រោងដាក់ពង្រាយមីស៊ីលផ្លោងជាង ១០០គ្រាប់នៅព្រំដែនជាប់ចិន និងប៉ាគីស្ថាន
យោងតាមទីភ្នាក់ងារសារព័ត៌មាន ANI បានឲ្យដឹងថា ប្រទេសឥណ្ឌា មានបំណងដាក់ពង្រាយ មីស៊ីលផ្លោងជាង១០០គ្រាប់ នៅតាមព្រំដែនរបស់ខ្លួនជាមួយប្រទេសចិន និងប៉ាគីស្ថាន។
របាយការណ៍នេះកើតឡើង បន្ទាប់ពីមានការអះអាងរបស់ទីក្រុងញូវដែលី អំពីការប៉ះទង្គិចគ្នារវាងកងទ័ពឥណ្ឌា និងចិន នៅក្នុងតំបន់ដែលមានជម្លោះនៃជួរភ្នំហិមាល័យកាលពីដើមខែនេះ។
ប្រភពការពារជាតិជាន់ខ្ពស់បានប្រាប់ទីភ្នាក់ងារសារព័ត៌មានថា “កិច្ចប្រជុំកម្រិតខ្ពស់ នៃក្រសួងការពារជាតិបានសម្រេចផ្តល់មីស៊ីលប្រហែល១២០គ្រាប់ សម្រាប់កងកម្លាំងប្រដាប់អាវុធ ហើយដាក់ពង្រាយនៅតាមព្រំដែន”។
យោងតាម ANI, អាវុធដែលនឹងដាក់ពង្រាយទាំងនោះគឺជា មីស៊ីលប្រភេទ Pralay ដែលផលិតក្នុងស្រុក។ មីស៊ីលផ្លោងរយៈចម្ងាយជិតជាយុទ្ធសាស្ត្រនេះ ត្រូវបានយោធាឥណ្ឌា សាកល្បងដោយជោគជ័យកាលពីមួយឆ្នាំមុន។
មីស៊ីលប្រភេទនេះ មានសមត្ថភាពវាយប្រហារគោលដៅក្នុងចម្ងាយពី ១៥០ ទៅ ៥០០ គីឡូម៉ែត្រ ហើយប្រព័ន្ធការពារដែនអាកាសពិបាកស្ទាក់ចាប់ណាស់ ដោយសារតែវាផ្លាស់ប្តូរទិសដៅអំឡុងពេលហោះហើរ។
ប្រទេសជិតខាង និងជាគូប្រជែងភូមិសាស្ត្រនយោបាយរបស់ឥណ្ឌា គឺចិន និងប៉ាគីស្ថាន ដែលជាមហាអំណាចនុយក្លេអ៊ែរ គឺសុទ្ធតែមានមីស៊ីលផ្លោងនៅក្នុងឃ្លាំងអាវុធរបស់ពួកគេ។ ប្រទេសឥណ្ឌាក៏មានព្រំប្រទល់ជាប់ នេប៉ាល់ ប៊ូតង់ បង់ក្លាដែស និងមីយ៉ាន់ម៉ាផងដែរ។
កាលពីដើមខែធ្នូ ក្រសួងការពារជាតិទីក្រុងញូវដែលីបាននិយាយថា មានការប៉ះទង្គិចគ្នាមួយប្រាវ រវាងឆ្មាំព្រំដែនឥណ្ឌា និងចិននៅរដ្ឋ Arunachal Pradesh ក្នុងតំបន់ភ្នំហិមាល័យ។ ក្រសួងនិយាយថា ឧបទ្ទវហេតុនោះ បណ្តាលឲ្យកងកម្លាំងឥណ្ឌាចំនួន៦នាក់រងរបួស៕
ប្រែសម្រួល៖ Vann Vann
ប្រភព៖ Free Press Kashmir
ចុចអាន៖ ឥណ្ឌា ដាក់ពង្រាយទាហាន ច្រើនបំផុតមិនធ្លាប់មាន នៅព្រំដែនជម្លោះជាមួយ ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង