ព័ត៌មានអន្ដរជាតិ
ឥណ្ឌា ដាក់ពង្រាយទាហាន ច្រើនបំផុតមិនធ្លាប់មាន នៅព្រំដែនជម្លោះជាមួយ ចិន
រដ្ឋមន្ត្រីការបរទេសឥណ្ឌា លោក Subraanyam Jaishankar បានប្រកាសថា ប្រទេសរបស់លោកបានដាក់ពង្រាយទាហានក្នុងចំនួនកំណត់ត្រា មិនធ្លាប់មាន នៅតាមព្រំដែនជាមួយប្រទេសចិន ក្នុងកិច្ចខិតខំប្រឹងប្រែង ដើម្បីដាក់សម្ពាធឲ្យទីក្រុងប៉េកាំង កាត់បន្ថយភាពតានតឹងនៅក្នុងតំបន់។
លោកបានកត់សម្គាល់ថា វិធានការនេះកើតឡើង បន្ទាប់ពីប្រទេសចិន បង្កើនវត្តមានរបស់ខ្លួនយ៉ាងច្រើននៅតាមព្រំដែនជម្លោះ ចាប់តាំងពីឆ្នាំ២០២០មក។
កងទ័ពចិន និងឥណ្ឌា បានប៉ះទង្គិចគ្នានៅរដ្ឋ Arunachal Pradesh ភាគឦសានប្រទេសឥណ្ឌាកាលពីថ្ងៃទី០៩ខែធ្នូ ដែលនោះជាការប៉ះទង្គិចគ្នាលើកដំបូងរវាងរដ្ឋអាស៊ីប្រដាប់ដោយអាវុធនុយក្លេអ៊ែរទាំង២ ក្នុងរយៈពេលជិត២ឆ្នាំ។ ការប៉ះទង្គិចគ្នានោះ មិនអូសបន្លាយយូរប៉ុន្មានទេ ដោយសារភាគីទាំងសងខាង បានរំសាយគ្នាយ៉ាងឆាប់រហ័ស ប៉ុន្តែមានទាហាន៣នាក់ រងរបួសស្រាល។
ក្រសួងការពារជាតិឥណ្ឌា អះអាងថា ការប្រយុទ្ធគ្នានោះ គឺបង្កឡើងដោយកងទ័ពចិន ដែលបានប៉ុនប៉ងឆ្លងកាត់ព្រំដែនហិមាល័យមានជម្លោះ ហើយបានចោទប្រកាន់ទីក្រុងប៉េកាំងថា ព្យាយាមផ្លាស់ប្តូរស្ថានភាពក្នុងតំបន់នោះ ជាឯកតោភាគី។
គួរបញ្ជាក់ថា ព្រំដែនហិមាល័យ ប្រវែងជិត ៣៥០០គីឡូម៉ែត្រ គឺជាចំណុចជម្លោះរវាងរដ្ឋអាស៊ីទាំងពីរអស់រយៈពេលជាយូរមកហើយ។
នៅឆ្នាំ១៩៦២ ចិននិងឥណ្ឌាបានប្រយុទ្ធគ្នា ក្នុងសង្គ្រាមទ្រង់ទ្រាយធំដើម្បីគ្រប់គ្រងតំបន់ ដែលទីក្រុងប៉េកាំងទាមទារទាំងស្រុង និងចាត់ទុកជាផ្នែកមួយនៃតំបន់ទីបេ។
ការប្រយុទ្ធគ្នាដោយដៃ បានផ្ទុះឡើងនៅតាមខ្សែបន្ទាត់ក្នុងឆ្នាំ២០២០ បន្ទាប់ពីប្រទេសចិន ជំទាស់ទៅនឹងការស្ថាបនាផ្លូវរបស់ឥណ្ឌានៅក្នុងទឹកដីដែលខ្លួនទាមទារ។ ឥណ្ឌា និយាយថា ខ្លួនបានបាត់បង់ទាហានប្រហែល ២០ នាក់ ខណៈចិន អះអាងថា បាត់បង់ ៤ នាក់៕
ប្រែសម្រួល៖ Vann Vann
ប្រភព៖ RT
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង