BLACKPINK ចាយលុយមិនតិចទេ លើយន្តហោះឯកជនជិះមកប្រគំតន្ត្រីនៅ ថៃ

ក្រុមតារាចម្រៀងស្រីលំដាប់កំពូល BLACKPINK បានរៀបចំដំណើរការប្រគំតន្ត្រីទេសចរណ៍អាស៊ីដោយចាប់ផ្តើមនៅប្រទេសថៃ ជាមួយគ្នានេះពូកគេធ្វើដំណើរជាមួយយន្តហោះឯកជន Embraer Lineage 1000 ។

យោងទៅតាម គេហៈទំព័រ Wing tips បានបង្ហាញការហោះហើររបស់ក្រុមនារី BLACKPINK ធ្វើដំណើរលើយន្តហោះឯកជនដ៏ប្រណីត Embraer Lineage 1000 ដែលយន្តហោះនេះជាកម្មសិទិ្ធរបស់ក្រុមហ៊ុនអាកាស ចរណ៍អាល្លឺម៉ង់ Air Hamburg ដែលចេញដំណើរពីព្រលានយន្តហោះ Gimpo ប្រទេសកូរ៉េខាងត្បូងទៅកាន់ប្រទេសថៃដោយជោគជ័យ។

យន្តហោះឯកជនដ៏ប្រណីត Embraer Lineage 1000 ត្រូវបានគេរាយការណ៍ថា មានតម្លៃកក់ជើងហោះហើរថ្លៃដោយចាប់ផ្តើមពីប្រហែល ១៣,៥០០ ដុល្លារក្នុងការហោះមួយម៉ោង ហើយអត្រាជួលមួយម៉ោងមិនរាប់បញ្ចូលពន្ធប្រេងឥន្ធនៈទេ។

ជាមួយគ្នានេះ ក៏មានថ្លៃផ្សេងទៀតដូចជាការប្រែប្រួលអាស្រ័យទៅលើឆ្នាំផលិត/ម៉ូដែលយន្តហោះ កាលវិភាគ ផ្លូវធ្វើដំណើរ អ្នកដំណើរ និងឥវ៉ាន់សរុប។ នេះរាប់បញ្ចូលទាំងថ្លៃ ប្រេងឥន្ធនៈ បុគ្គលិក និងការថែទាំជាដើមទូទៅគឺ ៥៣ លានដុល្លារដែលជាតម្លៃក្នុងការហោះហើរ ៕

ប្រែសម្រួល៖នាងតូច

ចុចអាន៖អ្នកគាំទ្របារម្ភ Jennie ក្រោយកាំជ្រួចបាញ់ចំនាងពេលកំពុងប្រគំតន្ត្រី នៅ ថៃ