ព័ត៌មានជាតិ

ទេសរដ្ឋមន្ត្រី លី ធុជ ទទួលវិភាគទាន ៥០០០ដុល្លារ ពីធនាគារស្ថាបនា សម្រាប់ការចូលរួមដល់ការងារបោសសម្អាតមីន

បានផុស

៣ years មុន

នៅ

ថ្ងៃពុធ ១១ មករា ២០២៣

ដោយ

ភ្នំពេញ ៖ ថ្ងៃទី១១ ខែមករា ឆ្នាំ២០២៣ នៅទីស្នាក់ការអាជ្ញាធរមីន លោក Fung Kai Jin នាយកប្រតិបត្តិធនាគារស្ថាបនា បានប្រគល់វិភាគទានចំនួន ៥០០០ ដុល្លារអាមេរិក ជូនដល់អាជ្ញាធរមីន ដើម្បីចូលរួមដល់ការងារបោសសម្អាតមីននៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Fung Kai Jin បានលើកឡើងថា ធនាគារស្ថាបនា មានកិត្តិយសដែលបានចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីននៅកម្ពុជា ដើម្បីឲ្យកម្ពុជាអាចសម្រេចនូវគោលដៅរបស់ខ្លួនគ្មានមីនឆ្នាំ២០២៥។

លោកបានបន្តទៀតថា ធនាគារស្ថាបនា បានចូលរួមយ៉ាងច្រើនក្នុងការជួយលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា និងការកសាងសហគមន៍ឲ្យកាន់តែប្រសើរឡើង តាមរយៈការផ្តល់នូវឥណទាន ហើយការចូលរួមនាថ្ងៃនេះ ក៏នឹងអាចផ្តល់នូវសុខសុវត្ថិភាពនៅសហគមន៍ឲ្យរួចផុតពីគំរាមកំហែងដោយសារគ្រាប់មីន និងសំណល់ជាតិផ្ទុះពីសង្គ្រាម ផងដែរ។

ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានអាជ្ញាធរមីន លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានថ្លែងអំណរគុណចំពោះទឹកចិត្តប្រកបដោយសប្បុរសរបស់ថ្នាក់ដឹកនាំ បុគ្គលិកនៃធនាគារស្ថាបនា ដែលបានចូលរួមវិភាគទានដល់ការងារបោសសម្អាតមីននៅកម្ពុជា ដើម្បីសម្រេចនូវទស្សនវិស័យរបស់សម្តេចតេជោ កម្ពុជាគ្មានឆ្នាំ២០២៥។ វិភាគទាននេះ អាជ្ញាធរមីន នឹងយកមកប្រើប្រាស់ជាមួយនឹងវិភាគទានទទួលបានពីសមាគម TAFTAC ធ្វើការបោសសម្អាតមីននៅខេត្តកោះកុង។

លោកទេសរដ្ឋមន្ត្រី បានលើកឡើងថា សម្តេចតេជោ តែងតែគិតគូរដល់សុខសុវត្ថិភាពរស់នៅរបស់ប្រជាជនកម្ពុជាគ្រប់ៗគ្នា ហើយតែងតែចង់ឃើញប្រជាពលរដ្ឋរបស់សម្តេច ទទួលបាននូវសុខដុមរមនា និងមានជីវភាពរស់នៅកាន់តែប្រសើរឡើងស្មើៗគ្នាទាំងនៅទីប្រជុំជន និងទីជនបទ។

ក្នុងឱកាសនេះ លោកទេសរដ្ឋមន្ត្រី បានអបអរសាទរចំពោះភាគជោគជ័យរបស់ធនាគារស្ថាបនា ក្នុងការចូលរួមដល់ការអភិវឌ្ឍន៍ និងលើកកម្ពស់ជីវភាពរស់នៅប្រជាជនកម្ពុជា តាមរយៈការផ្តល់ឥណទាន និងការផ្តល់ឱកាសការងារយ៉ាងច្រើន៕

Related Topics:អាជ្ញាធរមីនកម្ពុជា លោក លី ធុជ

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា