ព័ត៌មានជាតិ

មន្រ្ដីម្នាក់បាញ់សម្លាប់ប្រពន្ធរួច បាញ់ខ្លួនឯងតាមក្រោយ បន្សល់ទុកកូនស្រីឲ្យនៅកំព្រា

បានផុស

៥ years មុន

នៅ

ថ្ងៃអាទិត្យ ១០ មករា ២០២១

ដោយ

មន្ដ្រីកងរាជអាវុធហត្ថម្នាក់ បានបាញ់សម្លាប់ប្រពន្ធ បន្ទាប់ក៏បានបាញ់ខ្លួនឯងតាមក្រោយ ដោយបន្សល់កូនស្រីអាយុ១៥ឆ្នាំម្នាក់ ហេតុការណ៍នេះ បានកើតឡើងកាលពីរំលងអាធ្រាត្រឈានចូលថ្ងៃទី១០ ខែមករា ឆ្នាំ២០២១ នៅចំណុចបន្ទប់ជួលលេខ២ តាមបណ្ដោយផ្លូវ អេសអូអេស ក្នុងសង្កាត់កោគឃ្លាង ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា មន្ត្រីកងរាជអាវុធហត្ថរូបនេះឈ្មោះ សេក គឹមសាន អាយុ៥៩ឆ្នាំ ពាក់ស័ក្ដិ៤នឮកន្លះ នឹងជាគ្រូបង្រៀននៅសាលាកងរាជអាវុធហត្ថកំបូលផង ចំណែកប្រពន្ធមានឈ្មោះ ជួប សារ៉ែន អាយុ៣៦ឆ្នាំ មុខរបរនៅផ្ទះ ។

ប្រភពពីអ្នកជិតខាង បានឲ្យដឹងថា ប្តីប្រពន្ធ និង កូនស្រីម្នាក់ បានមកស្នាក់ នៅបន្ទប់ជួលកើតហេតុ រយៈពេលច្រើនខែមកហើយ ដោយសង្កេតឃើញថា ប្ដីតែងតែប្រចណ្ឌនឹងប្រពន្ធជាញឹកញាប់ ស្របពេលឃើញប្រពន្ធនិយាយទូរសព្ទ ប្ដីតែងតែចោទរករឿងថានេះថានោះគ្រប់ពេល។ អ្នកជិតខាងដដែលបន្តថា មន្ត្រីកងរាជអាវុធហត្ថរូបនោះ ធ្លាប់មានប្រពន្ធម្តងមកហើយ ដោយមានកូននៅក្នុងបន្ទុកចំនួន៥នាក់។ ចំណែកស្ដ្រីរងគ្រោះជាប្រពន្ធក្រោយ ដោយរួមរស់ជាមួយគ្នា បានកូនស្រីអាយុ១៥ ឆ្នាំម្នាក់។

លុះដល់យប់កើតហេតុ ស្រាប់តែឮសូរសំឡេងផ្ទុះអាវុធ៣ទៅ៤គ្រាប់ បង្កឲ្យមានការភ្ញាក់ផ្អើលដល់អ្នកជិតខាងបន្ទប់ក្បែរគ្នា ក៏នាំគ្នាចូលទៅមើលឃើញប្ដីប្រពន្ធទាំងពីរនាក់ ដេកស្លាប់បាត់ទៅហើយ។ ក្នុងករណីនេះ សមត្ថកិច្ចនិងអ្នកជិតខាង បានដាក់ការសង្ស័យថា អាចប្រហែលមកពីភ្លើងប្រចណ្ឌ៕

អត្ថបទ៖ ជលសាល

Related Topics:បាញ់សម្លាញ់ប្ដីប្រពន្ធ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា