ព័ត៌មានអន្ដរជាតិ

ការបាញ់ប្រហារដ៏សាហាវមួយកើតឡើងនៅវិទ្យាល័យមួយនៅកាណាដា មនុស្ស១០នាក់ស្លាប់

បានផុស

៥ ខែ មុន

នៅ

ថ្ងៃពុធ ១១ កុម្ភៈ ២០២៦

ដោយ

យ៉ាងហោចណាស់មានមនុស្ស ៩នាក់ស្លាប់ នៅក្នុងការបាញ់ប្រហារដ៏ធំមួយ ក្នុងវិទ្យាល័យក្បែរលំនៅដ្ឋានមួយកន្លែងនៅភាគឦសាននៃខេត្ត British Columbia ប្រទេសកាណាដា។ យោងតាមការផ្សាយព័ត៌មានទាន់ហេតុការណ៍របស់ CNN ដែលស្រង់ការបញ្ជាក់របស់ប៉ូលិសកាណាដា។

លោក Colin Watson ប៉ូលីសក្រុង Abbotsford។ រូបភាព៖ Vikki Hopes

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសឱ្យដឹងថាការបាញ់ប្រហារដ៏ខ្លាំងក្នុងអនុវិទ្យាល័យ Tumbler Ridge កើតឡើងនៅម៉ោងប្រហែល ១ និង ២០ នាទីរសៀល រកឃើញមនុស្ស ៦នាក់បានស្លាប់ និងច្រើននាក់ទៀតរងរបួស។

ប៉ូលិសឱ្យដឹងទៀតថា៖ « ជនសង្ស័យក៏ត្រូវបានរកឃើញថាស្លាប់ដែរ ទំនងជារបួសដោយខ្លួនឯង»។

ចំណែកជនរងគ្រោះ២នាក់ ត្រូវបានបញ្ជូនទៅសង្គ្រោះនៅមន្ទីរពេទ្យ ដោយមានរបួសធ្ងន់ធ្ងរ ឬប្រឈមបាត់បង់អាយុជីវិត។

ប៉ូលិសបាននិយាយថា មនុស្សប្រហែល ២៥ នាក់ផ្សេងទៀត ដែលមានរបួស មិនប្រឈមដល់អាយុជីវិតទេ ពួកគេកំពុងព្យាបាលនៅមជ្ឈមណ្ឌលវេជ្ជសាស្ត្រក្នុងតំបន់។

ប៉ូលិសបាននិយាយនៅក្នុងសេចក្តីថ្លែងការណ៍មួយថា មានមនុស្សពីរនាក់បន្ថែមត្រូវបានរកឃើញថាស្លាប់ នៅឯគេហដ្ឋានដែលមានទំនាក់ទំនងនឹងហេតុការណ៍នេះ។

សេចក្តីថ្លែងការណ៍បានបន្តថា៖ «ក្រុមមន្ត្រីកំពុងធ្វើការស្រាវជ្រាវ នៅផ្ទះដែលសង្ស័យ និងទ្រព្យសម្បត្តិបន្ថែមទៀត ដើម្បីកំណត់ថាមានមនុស្សណា មានរបួស ឬជាប់ពាក់ព័ន្ធនឹងព្រឹត្តិការណ៍ថ្ងៃនេះ»។

ប៉ូលិសបានបន្តថា៖ « មិនជឿថាមានជនសង្ស័យរូបនេះ ហ៊ានគំរាមកំហែងជាបន្តបន្ទាប់ដល់សាធារណជនយ៉ាងនេះទេ» ។

យោងតាមគេហទំព័ររបស់ខេត្តបានឱ្យដឹងថា អនុវិទ្យាល័យ Tumbler Ridge មានសិស្សចំនួន ១៧៥ នាក់ ពីថ្នាក់ទី ៧ ដល់ទី ១២។

សេចក្តីជូនដំណឹងលើគេហទំព័របានលើកឡើងថា៖ « ដោយសារតែសោកនាដកម្មបានកើតឡើងនៅក្នុងសហគមន៍នៃអនុវិទ្យាល័យ Tumbler Ridge ចំណែកសាលាបឋមសិក្សា Tumbler Ridge នឹងត្រូវបិទទ្វាពេញមួយសប្តាហ៍នេះ»៕

ប្រែសម្រួល៖ ណឺ មិនា