NewJeans ក្លាយជាក្រុមចម្រៀងស្រី K-Pop ទីពីរជាប់ឈ្មោះលើតារាងចម្រៀងរបស់ អង់គ្លេស

យោងទៅតាមគេហទំព័រកម្សាន្ត Soompi បានរាយការណ៍កាលពីសប្តាហ៍មុនក្រុមចម្រៀង New Jeans បានបង្កើតប្រវត្តិសាស្ត្រនៅលើតារាងចម្រៀងរបស់អង់គ្លេស ដែលក្លាយជាក្រុមចម្រៀងស្រី K-Pop ទីពីរជាប់ឈ្មោះលើតារាងនេះ។

ជាពិសេសបទចម្រៀង “Ditto” បានបង្ហាញខ្លួនជាលើកដំបូងនៅលេខ ៩៥ នៅលើតារាង Singles Chart ដែលធ្វើឱ្យ NewJeans ក្លាយជាក្រុមនារី K-pop ដែលលឿនបំផុតមិនធ្លាប់មាន ដើម្បីសម្រេចបាននូវស្នាដៃមួយនេះ។ លើសពីនេះទៀតបច្ចុប្បន្នបទ “Ditto” កំពុងចំណាមពេលសប្តាហ៍ទីពីរជាប់ៗគ្នានៅលើតារាងបទចម្រៀងផ្លូវការសម្រាប់សប្តាហ៍នៃថ្ងៃទី ២០ ដល់ថ្ងៃទី ២៦ ខែ មករា ។

ជាមួយគ្នានេះ គួរកត់សម្គាល់ថា NewJeans បច្ចុប្បន្នគឺជាក្រុមចម្រៀងស្រី K-pop ទីពីរដែលសម្រេច បាន ២ សប្តាហ៍នៅលើតារាង Singles Chart បន្ទាប់ពីក្រុម BlackPink ។ ជាពិសេសក្រុម New Jeans ត្រូវបានចាត់ថ្នាក់នៅលើកំពូលនៃចំណាត់ថ្នាក់តារាមានប្រជាប្រិយភាពក្នុងខែនេះសម្រាប់ សិល្បករ K-pop ដោយវិទ្យាស្ថានស្រាវជ្រាវពាណិជ្ជកម្មកូរ៉េ៕

ប្រែសម្រួល៖នាងតូច

ចុចអាន៖តើ IU ពិតជាសេដ្ឋីលាក់មុខនៅប្រទេសកូរ៉េខាងត្បូង?