ព័ត៌មានជាតិ

ប្រជាពលរដ្ឋរស់នៅបុរីកីឡាសប្បាយចិត្ត ពេលបានកម្មសិទ្ធិលំនៅឋានស្របច្បាប់

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

ភ្នំពេញ ៖ លោកយាយ ប៊ិន អ៊ីម រស់នៅក្នុងបុរីកីឡាបានលើកដៃសំពះឆ្លើយតបទៅនិងលោក លឹម ពី ប្រធានការិយាល័យភូមិបាលខណ្ឌច្បារអំពៅ ខណៈដែលលោកចុះទៅបំពេញការងារចុះបញ្ជីកម្មសិទ្ធិជូនប្រជាពលរដ្ឋថា លោកយាយសប្បាយចិត្តរកអ្វីមកប្រៀបផ្ទឹមពុំបានឡើយ នៅពេលដែលរាជរដ្ឋាភិបាលសម្រេចប្រគល់សិទ្ធិដល់ប្រជាពលរដ្ឋរស់នៅក្នុងបុរីកីឡាស្ថិតក្នុងទឺកដី ខណ្ឌ៧មករារាជធានីភ្នំពេញ បានកាន់កាប់ដោយស្របច្បាប់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យាយ ប៊ិន អ៊ីម បានបន្តថា អ្វីដែលលោកយាយសែនពេញចិត្តនោះ គឺកាយវិការរបស់មន្ត្រីរាជការចុះមកវាស់វែងដីធ្លីពិសេសគឺលោក ក្មួយ លឹម ពី បានជួបសំណេះសំណាលជាមួយលោកយាយដោយម្រាមដៃដប់របស់លោកក្មួយគឺសំពះលោកយាយ លោកតា រួមទាំងប្រជាពលរដ្ឋដោយភាពស្និទ្ធស្នាលនិងរាក់ទាក់បំផុត។

ចំណែកលោកយាយ ប៉ោ ហុងគី វិញបានបញ្ជាក់ថា លោកយាយនិងកូនចៅរួមទាំងប្រជាពលរដ្ឋរស់នៅក្នុងបុរីកីឡាសូមសំដែងនូវការដឹងគុណចំពោះសម្តេចតេជោ ហ៊ុន សែន ដែលសម្តេចបានសម្រេចផ្តល់កម្មសិទ្ធិគ្រប់គ្រងលំនៅដោយស្របច្បាប់ហើយថែមទាំងមិនចាំបាច់ចំណាយថវិកាពីប្រជាពលរដ្ឋទៀតផង។

លោកយាយក៏ដូចជាប្រជាពលរដ្ឋរស់នៅក្នុងបុរីកីឡាសូមសន្យាថា នឹងបោះឆ្នោតជូនគណបក្សប្រជាជនកម្ពុជា ដើម្បីឲ្យសម្តេចតេជោ ដឹកនាំប្រទេសតទៅមុខទៀត ព្រោះសម្តេចនិងហើយដែលបានដឹកនាំប្រទេសឲ្យមានសន្តិភាពដល់ថ្ងៃនេះ។

ដោយឡែកលោក លឹម ពី បានឲ្យដឹងដែរថា លោកពេញចិត្តនិងដឹកនាំមន្ត្រីរាជការក្នុងការិយាល័យភូមិបាលខណ្ឌច្បារអំពៅចុះមកបំពេញការងារជូនអង្គភាពដែលដឹកនាំផ្ទាល់ពីលោក សារិន វណ្ណា ប្រធានមន្ទីរដែនដីនគរូបនីយកម្មនិងសំណង់។ ហើយមន្ត្រីរាជការម្នាក់ៗមកបំពេញការងារដោយសប្បាយរីករាយព្រោះជាភារកិច្ចបម្រើជាតិនិងប្រជាជន៕

ដោយ ៖ នរា