អ្នកលេងអ៊ីនធឺណិតភ្ញាក់ផ្អើល ក្រោយដឹងតម្លៃសណ្ឋាគារ Jessica ស្នាក់នៅប៉ារីស

អ្នកនិយមលេងអ៊ីនធឺណិតមានការភ្ញាក់ផ្អើលចំពោះតម្លៃសណ្ឋាគារលំដាប់ផ្កាយ៥ដែល Jessica អតីតសមាជិកក្រុម Girls’ Generation ស្នាក់នៅប៉ារីសកាលពីវិស្សមកាលរបស់នាងក្នុងប្រទេសបារាំង ។

កាលពីថ្ងៃទី ៥ ខែកុម្ភៈ Jessica បានចែករំលែករូបថតនៃវិស្សមកាលដ៏ប្រណីតរបស់នាងនៅទីក្រុងប៉ារីសនៅលើគណ នី Instagram របស់នាងជាមួយនឹងចំណងជើងថា “Lazy weekends call for room service” ។ ក្នុងរូបភាពនោះបានបង្ហាញឱ្យឃើញ Jessica រីករាយនឹងសេវាកម្មបន្ទប់ ខណៈ រូបថតមួយទៀតបង្ហាញពីផ្នែកខាងក្នុងនៃបន្ទប់របស់នាង ហើយ Jessica ឈរយ៉ាងស្រស់ស្អាត ជាមួយលើគ្រែដ៏ប្រណិតក្នុងឈុតផ្កាឈូក ។

ជាមួយគ្នានេះ អ្វីដែលធ្វើឲ្យគេចាប់អារម្មណ៍ខ្លាំងបំផុតគឺតម្លៃសណ្ឋាគារ Jessica ស្នាក់នៅ ដែលសណ្ឋាគារនេះត្រូវបានគេដឹងថាជាជាសណ្ឋាគារលំដាប់ផ្កាយប្រាំ Plaza Athenee Paris ដោយសណ្ឋាគារអាចឲ្យអ្នកស្នាក់នៅមើលមានទិដ្ឋភាពនៃ Eiffel Tower និងមានភាពល្បីល្បាញ។ សម្រាប់បន្ទប់តម្លៃថោកបំផុតត្រូវបានគេដឹងថាមានតម្លៃប្រហែល ២ លានវ៉ុន (ប្រហែល ១,៦០០ ដុល្លារ) ក្នុងមួយយប់ ហើយបន្ទប់ដែលថ្លៃបំផុតគឺប្រហែល ៩ លានវ៉ុន (៧,១៧០ ដុល្លារ) ។

ទន្ទឹមនឹងនេះដែរ Jessica បានបង្ហាញមុខជាថ្មី បន្ទាប់ពីទទួលបានចំណាត់ថ្នាក់លេខ ២ ក្នុងកម្មវិធីចិន “Sisters Who Make Waves Season 3” ។ ចាប់តាំងពីពេលនោះមក​ នាងបានចូលប្រឡូកក្នុងប្រទេសចិន ហើយទទួលបានការស្រលាញ់យ៉ាងខ្លាំងពីអ្នកគាំទ្រក្នុងប្រទេសកូរ៉េនិងប្រទេសចិនផងដែរ ៕

ប្រែសម្រួល៖នាងតូច

ចុចអាន៖ អ្នកដឹកនាំរឿង Dan Reed ប្រតិកម្មភាពយន្តនិយាយជីវប្រវត្តិរបស់ Michael Jackson