មរតកដែលសេដ្ឋី Nott ត្រៀមប្រគល់ឱ្យ Chompoo ដេកចាយមួយជីវិតមិនអស់

បន្ទាប់ពីលេចឮរឿងអាស្រូវស្នេហាក្បត់ចិត្តភរិយា សេដ្ឋីស្រុកថៃ Nott Visrut បានប្រកាសផ្ទេរទ្រព្យសម្បត្តិរបស់ខ្លួនទាំងអស់ឱ្យ Chompoo ប្រសិនបើថ្ងៃមុខមានរឿងហេតុមិនល្អកើតឡើងចំពោះលោក ខណៈទំហំនៃទ្រព្យសម្បត្តិដែលនឹងផ្ទេរ ទើបតែមានប្រព័ន្ធផ្សព្វផ្សាយទម្លាយនាពេលថ្មីៗនេះឯង។

ស្វាមី Chompoo Araya តារា​លំដាប់​កំពូល​ក្នុង​វិស័យ​សិល្បៈ​ថៃ បានធ្វើឱ្យមហាជនមានការភ្ញាក់ផ្អើលជាខ្លាំង ក្រោយសេដ្ឋីរូបនេះ ប្រកាសផ្ទេរមរតកទាំងអស់ឱ្យទៅភរិយា សម្រាប់ផ្គត់ផ្គង់នាង និងមើលថែកូនៗ ដែលមរតកនេះមានតម្លៃជិត ៣០០លានដុល្លារឯណោះ។

មរតកនេះត្រូវគេដឹងថា មានទំហំប្រមាណ ២៩៦.៩លានដុល្លារ ដោយវារាប់បញ្ចូលនូវប្រាក់សុទ្ធ អចលនទ្រព្យ និងជំនួញទាំងអស់របស់ Nott Visrut ។ អំឡុងពេលប្រកាសផ្ទេរមរតក សេដ្ឋីរូបនេះ បញ្ជាក់មូលហេតុថា លោកចង់ផ្តល់សិទ្ធិឱ្យប្រពន្ធដើម្បីមើលថែគ្រួសារតូចរបស់លោក និងចង់ឱ្យនាង ព្រមទាំងកូនៗរស់នៅក្នុងជីវភាពស្រណុកស្រួល។

គួររំលឹកថា ​តារា​សម្ដែង Chompoo Araya បាន​ប្រកាស​រៀប​ការ​ជាមួយ​មហាសេដ្ឋី Nott Visrut ក្នុងកំលុង​ឆ្នាំ២០១៥ ក្រោយ​ស្រឡាញ់​គ្នា​អស់​រយៈ​ពេល ៧ឆ្នាំ។ ចាប់​តាំង​ពីរៀបការរួច​ ​ពួក​គេ​បាន​ក្លាយ​ជា​គូស្នេហ៍​ដ៏ឥទ្ធិពលនៅក្នុងប្រទេស ហើយបច្ចុប្បន្ន​​ប្ដីប្រពន្ធមួយគូនេះ មានកូន ៣នាក់ ជាចំណងដៃនៃអាពាហ៍ពិពាហ៍៕

ប្រែសម្រួល៖ សន្យា

ចុចអាន៖ សេដ្ឋីថៃ Nott Visrut ថា នឹងប្រគល់មរតកទាំងអស់ឲ្យ Chompoo

ចុចអាន៖ ឆ្នាំ២០២៣ តារាជួរមុខថៃ Chompoo Araya ជាម្ចាស់ទ្រព្យសម្បត្តិជិត ៤៥លានដុល្លារ