ជីវិតកម្សាន្ដ

សេដ្ឋីថៃ Nott Visrut ថា នឹងប្រគល់មរតកទាំងអស់ឲ្យ Chompoo

បានផុស

៣ years មុន

នៅ

ថ្ងៃអង្គារ ៧ កុម្ភៈ ២០២៣

ដោយ

អ្នកជំនួញហៃសូ Nott Visrut Rangsisingpipat ធ្លាប់បានទម្លាយឥតលាក់លៀមថា ប្រសិនបើមានរឿងអ្វីកើតឡើងចំពោះលោក នោះលោកនឹងប្រគល់ទ្រព្យសម្បត្តិទាំងអស់ឲ្យទៅភរិយា គឺតារាសម្ដែងស្រី Chompoo Araya តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកម្មវិធី 3 zaap កាលពីកន្លងមក សេដ្ឋីថៃ Nott Visrut ទទួលស្គាល់ថា សព្វថ្ងៃនេះគ្រួសារត្រូវតែជាប់លេខ១សម្រាប់លោកជានិច្ច បូករួមនឹងជំនួញពាន់លានដែលកំពុងធ្វើនៅពេលនេះ ទាំងការផលិត និងការងារក្នុងរោងចក្រខ្សែភ្លើង រួមទាំងទ្រព្យសម្បត្តិផ្សេងៗ លោកបានសរសេររួចហើយ គឺនឹងប្រគល់ឲ្យតែភរិយាជាទីស្រឡាញ់របស់លោកប៉ុណ្ណោះ។ “ប្រសិនបើមានអ្វីកើតឡើងចំពោះខ្ញុំ អ្វីគ្រប់យ៉ាងគឺផ្តល់ឲ្យ Chompoo Araya តែម្នាក់ឯង។ អ្វីគ្រប់យ៉ាងដែលជាកម្មសិទ្ធិរបស់ខ្ញុំ គឺមិនត្រូវបានជំទាស់ឡើយ”។

លោកក៏បានបន្ថែមទៀតថា បើថ្ងៃមួយមានអ្វីកើតឡើងក្នុងផ្នែកនៃឆន្ទៈនេះ ភរិយានឹងអាចចិញ្ចឹមនិងមើលថែកូនទាំងបីបានយ៉ាងងាយស្រួល ដោយមិនឲ្យពួកគេលំបាកឡើយ។ លើសពីនេះ លោកបានសរសើរភរិយាថា រួមរស់ជាមួយគ្នាបាន ៧ ឆ្នាំ Chompoo គឺជាភរិយាដ៏ល្អ និងជាម្តាយដ៏ល្អសម្រាប់កូន។

សូមជម្រាបដែរថា គូស្នេហ៍ហៃសូនេះបានរៀបអាពាហ៍ពិពាហ៍ក្លាយជាស្វាមីភរិយា និងសាងគ្រួសាររួមគ្នាមកជាង៧ឆ្នាំហើយ រហូតមកដល់ពេលនេះ ពួកគេមានកូន៣នាក់ ប្រុស២និងស្រីម្នាក់ជាចំណងដៃសុភមង្គល។ ចំពោះពាក្យចចាមអារ៉ាមបច្ចុប្បន្នពីព័ត៌មាននិយាយអំពីផ្ទះដែលស្វាមី Chompoo លួចលាក់ចិញ្ចឹមស្រីក្មេង គឺមិនពិតឡើយ។ ព្រោះក្នុងរយៈពេល ៧ឆ្នាំកន្លងមកនេះ គ្រប់យ៉ាងបានបញ្ជាក់ថា Nott Visrut គឺពិតជាស្រលាញ់ភរិយាគ្មានថ្ងៃប្រែនោះទេ៕