ព័ត៌មានជាតិ

បុរសវ័យចំណាស់ម្នាក់ជិះទូកទៅច្រូតស្មៅឲ្យគោស៊ី វិលមុខធ្លាក់ពីលើទូកលង់ទឹកស្លាប់

បានផុស

៦ years មុន

នៅ

ថ្ងៃពុធ ២៨ តុលា ២០២០

ដោយ

បន្ទាយមានជ័យ ៖ បុរសវ័យចំណាស់ម្នាក់ ជិះទូកទៅច្រូតស្មៅឲ្យគោស៊ី ស្រាប់តែវិលមុខធ្លាក់ពីលើទូកបណ្តាលឲ្យលង់ទឹកស្លាប់យ៉ាងអាណោចអាធ័មគួរឲ្យសង្វេគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវេលាម៉ោង១រសៀល ថ្ងៃទី២៨ ខែតុលា ឆ្នាំ២០២០ នៅចំណុចសំណង់ទី២ ស្ថិតក្នុងភូមិកណ្តោល សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។ លោក មេប៉ុស្តិ៍សង្កាត់ទឹកថ្លា បានប្រាប់អ្នកយកព័ត៌មានឲ្យដឹងថា សពជនរងគ្រោះមានឈ្មោះ រឿន ពន្លក អាយុ៦៣ឆ្នាំ ភេទប្រុស រស់នៅភូមិទំនប់ជ្រៃ សង្កាត់ទឹកថ្លា ក្រុងសេរីសោភ័ណ ខេត្តបន្ទាយមានជ័យ។

លោកមេប៉ុស្តិ៍បានបញ្ជាក់ទៀតថា នៅមុនពេលកើតហេតុជនរងគ្រោះ បានអុំទូកជូនប្រពន្ធចេញពីស្រែទៅផ្ទះ រួចហើយគាត់បានបន្តជិះទូកទៅច្រូតស្មៅឲ្យគោស៊ី ដោយគាត់មានវ័យចំណាស់ហើយសុខភាពមិនសូវល្អបណ្តាលឲ្យវិលមុខធ្លាក់ពីទូកចូលទៅក្នុងទឹកជម្រៅប្រហែល១៤.ទៅ១៥ម៉ែត្រ មួយសន្ទុះក្រោយមកមានក្មេងៗបួនប្រាំនាក់ បានឃើញតែទូកក៏បាននាំគ្នាចុះរាវរកបានប្រទះឃើញសពនៅក្នុងទឹកស្របពេលនោះដែរ មានវត្តមាន លោក មេប៉ុស្តិ៍ទឹកថ្លា ក្រុមប្រឹក្សាសង្កាត់ទឹកថ្លា បានដឹកនាំកម្លាំងនគរបាលប៉ុស្តិ៍ និងកម្លាំងប្រជាការពារភូមិជាច្រើននាក់ បានចុះជួយអន្តរាគមន៍ដឹកសពយកមកផ្ទះ សពត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕
ដោយ ៖ វ៉ាន់ ណាង

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា