យូឌៃ និយាយដោយឆន្ទៈមុះមុត ថា យប់មិញរូបគេលេងដាក់ជីវិត ដើម្បីទង់ជាតិ កម្ពុជា

ខ្សែបម្រើការពារ យូឌៃ អូកាវ៉ា បានប្រាប់ទៅអ្នកគាំទ្រ អំពីការលងតំណាងឱ្យជម្រើសជាតិ កម្ពុជា ជាពិសេសការលេងទល់ក្រុម ចិនហុងកុង យប់មិញ គឺរូបគេលេងដោយដាក់ជីវិត ដើម្បីស្លាកសញ្ញាជម្រើសជាតិ និងទង់ជាតិ កម្ពុជា នៅលើអាវ។

យូឌៃ បានរួមចំណែកយ៉ាងធំធេង ក្នុងការជួយឱ្យក្រុមជម្រើសជាតិ កម្ពុជា បញ្ចប់កំណត់ត្រាមិនដែលឈ្នះជម្រើសជាតិ ចិនហុងកុង ក្នុងរយៈពេល ៦៩ ឆ្នាំ។ កីឡាករជនជាតិ ជប៉ុន សញ្ជាតិខ្មែរ វ័យ ២៩ ឆ្នាំ បានស៊ុតបញ្ចូលទីមួយគ្រាប់ និង សៀង ចន្ធា ស៊ុតមួយគ្រាប់ទៀត ជួយឱ្យក្រុមគោព្រៃយកឈ្នះលើក្រុម ចិនហុងកុងក្នុងលទ្ធផល ២-០។

ក្រោយការប្រកួតនេះបញ្ចប់ យូឌៃ បានថ្លែង ថា៖ «ខ្ញុំគិត ថា អ្នកគាំទ្រប្រហែលជានិយាយ ថា វាគ្រាន់តែជាការប្រកួតមិត្តភាព ប៉ុន្តែពួកយើងបានដាក់ជីវិត ដើម្បីទង់ជាតិ កម្ពុជា។ នេះគឺជាប្រវត្តិសាស្ត្រនៃការឈ្នះដ៏ធំលើក្រុម ចិនហុងកុង។ កម្ពុជា មិនដែលឈ្នះពួកគេទេនៅក្នុងប្រវត្តិសាស្ត្រ ហើយថ្ងៃនេះពួកយើងបានបង្កើតប្រវត្តិសាស្ត្រថ្មីមួយ»។

គួរបញ្ជាក់ជាថ្មី ថា កម្ពុជា បានឆ្លងកាត់ការប្រកួតមិត្តភាព ២ ប្រកួតនៅខែ មិថុនា ឆ្នាំ ២០២៦ នេះ។ ជាលទ្ធផល បានឈ្នះទាំង ២ ប្រកួត ដោយប្រកួតទី ១ បានឈ្នះក្រុម ប៊ូតាន ៤-០ និង ប្រកួតទី ២ បានឈ្នះក្រុម ចិនហុងកុង ២-០៕

អត្ថបទ៖ សេម កុសល