សម្ងំព្យាបាលខ្លួនជាង ៦ខែ Shawn Mendez នៅតែមិនទាន់ជាសះស្បើយពីជំងឺផ្លូវចិត្ត

តារាប៉ុបវ័យ ២៤ឆ្នាំ Shawn Mendez បានប្រកាសលុបចោលតន្ត្រីទេសចរណ៍កាលពីចុងខែកក្កដា ឆ្នាំ២០២២កន្លងទៅ ដើម្បីព្យាបាលសុខភាពផ្លូវចិត្ត ប៉ុន្តែរហូតមកទល់ពេលនេះ អស់រយៈពេលជាង ៦ខែហើយ លោកនៅតែមិនទាន់ជាសះស្បើយពេញលេញនៅឡើយ។

ថ្មីៗនេះ Shawn Mendez បានចេញមកនិយាយពីស្ថានភាពផ្លូវចិត្តរបស់ខ្លួន ដែលលោកសម្ងំមើលថែ និងព្យាបាលអស់ពេលជាយូរ ខណៈបច្ចុប្បន្នលោកនៅតែបន្តព្យាបាលដដែល មិនទាន់ជាស្រួលបួលនោះទេ ប៉ុន្តែបើប្រៀបជាមួយពេលចាប់ផ្ដើមដំបូង ពេលនេះលោកធូស្បើយច្រើនណាស់។ ទោះជាមួយគ្នាដែរ អតីតមិត្តប្រុស Camila រូបនេះ មិនបានប្រាប់ពីមូលហេតុដែលលោកត្រូវចំណាយពេលព្យាបាលសុខភាពផ្លូវចិត្តយូរយ៉ាងនេះឡើយ។

ទោះយ៉ាងណា Shawn Mendez បានអរគុណដល់អ្នកគាំទ្រ ដែលតែងតែចង់ដឹងទុក្ខរបស់លោក និងផ្ញើសារជូនពររហូតមក ហើយលោកសន្យាថានឹងវិលមកជួបហ្វេនៗវិញ ក្នុងឆាប់ៗខាងមុខ៕

ប្រែសម្រួល៖ សន្យា

ចុចអាន៖ Shawn Mendes ផ្អាកការប្រគុំតន្ត្រី ព្រោះយកពេលទៅព្យាបាលផ្លូវចិត្ត

ចុចអាន៖ លាតត្រដាងក្រោយឆាកនៃឈុតឆាកក្តៅសាច់ក្នុងរឿង Titanic ក្រោយកន្លងទៅ ២៦ ឆ្នាំ