ព័ត៌មានអន្ដរជាតិ
កូរ៉េខាងជើង រៀបចំកិច្ចប្រជុំបន្ទាន់ ខណៈលេចឮថា ប្រជាជនកំពុងអត់ឃ្លានដល់ស្លាប់
ប្រទេសកូរ៉េខាងជើង បានបើកកិច្ចប្រជុំពេញអង្គនៃគណៈកម្មាធិការមជ្ឈិមបក្សកម្មករដែលកំពុងកាន់អំណាច ដើម្បីពិភាក្សាជាចម្បងលើគោលនយោបាយកសិកម្ម ខណៈក្រុមអ្នកសង្កេតការណ៍និយាយថា កិច្ចប្រជុំនេះបង្ហាញថា ស្ថានភាពស្បៀងអាហារក្នុងប្រទេសនេះ កាន់តែអាក្រក់ទៅៗ។
ទូរទស្សន៍កណ្តាលកូរ៉េ គ្រប់គ្រងដោយរដ្ឋបានផ្សាយថា មេដឹកនាំកូរ៉េខាងជើង លោក គីម ជុងអ៊ុន បានចូលរួមកិច្ចប្រជុំដ៏សំខាន់នេះ ដែលចាប់ផ្តើមកាលពីថ្ងៃអាទិត្យទី២៦ខែកុម្ភៈ។
ទូរទស្សន៍នេះផ្សាយថា ក្រុមមន្ត្រីចូលរួម នឹងធ្វើការវិភាគនិងពិនិត្យមើលកម្មវិធីសម្រាប់ “បដិវត្តន៍ជនបទក្នុងយុគសម័យថ្មី”។ កូរ៉េខាងជើង បានចាប់ផ្តើមកម្មវិធីនេះកាលពីឆ្នាំមុន ដោយនិយាយថា កម្មវិធីនឹងដោះស្រាយបញ្ហាស្បៀងអាហាររបស់ប្រទេសទាំងមូល។
កិច្ចប្រជុំពេញអង្គកាលពីមុនរបស់គណៈកម្មាធិការនេះ បានធ្វើឡើងកាលពីចុងឆ្នាំមុន។ វាជារឿងកម្រដែលកូរ៉េខាងជើង រៀបចំកិច្ចប្រជុំបែបនេះពីរដងក្នុងរយៈពេលត្រឹមពីរខែ។
គួរបញ្ជាក់ថា កិច្ចប្រជុំនេះកើតឡើង បន្ទាប់ពីក្រសួងបង្រួបបង្រួមកូរ៉េខាងត្បូងនិយាយថា ប្រជាជនកំពុងអត់ឃ្លានដល់ស្លាប់នៅតំបន់ខ្លះនៃប្រទេសកូរ៉េខាងជើង៕
ប្រែសម្រួល៖ Vann Vann
ប្រភព៖ NHK
ចុចអាន៖ កូរ៉េខាងជើង ព្រមានថា បើអាមេរិកនៅតែបន្តអរិភាព នោះគឺស្មើនឹងការប្រកាសសង្គ្រាម
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ