ព័ត៌មានអន្ដរជាតិ
កូរ៉េខាងជើង ព្រមានថា បើអាមេរិកនៅតែបន្តអរិភាព នោះគឺស្មើនឹងការប្រកាសសង្គ្រាម
ប្រទេសកូរ៉េខាងជើង បានព្រមានអាមេរិកថា ការអនុវត្តអរិភាពនិងការញុះញង់ជាបន្តរបស់ខ្លួនមិនគោរពចំពោះការតវ៉ាម្តងហើយម្តងទៀតរបស់ទីក្រុងព្យុងយ៉ាង អាចនឹងត្រូវបានចាត់ទុកថាជា “ការប្រកាសសង្រ្គាម”។ ការព្រមាននេះ ធ្វើឡើងដោយលោក Kwon Jong-gun អគ្គនាយកនៃនាយកដ្ឋានកិច្ចការសហរដ្ឋអាមេរិក របស់ក្រសួងការបរទេសកូរ៉េខាងជើង។
លោកនិយាយថា “មធ្យោបាយតែមួយគត់ដើម្បីបំបាត់វដ្តដ៏កាចសាហាវ នៃការកើនឡើងភាពតានតឹងផ្នែកយោធានៅឧបទ្វីបកូរ៉េ និងក្នុងតំបន់ជុំវិញនោះ គឺទីក្រុងវ៉ាស៊ីនតោន ត្រូវបោះបង់ចោលផែនការដាក់ពង្រាយទ្រព្យសម្បត្តិយុទ្ធសាស្ត្រនៅកូរ៉េខាងត្បូង ហើយបញ្ចប់ការធ្វើសមយុទ្ធយោធាជាមួយសម្ព័ន្ធមិត្ត”។
ក្នុងសេចក្តីថ្លែងការណ៍របស់គាត់ លោក Kwon Jong-gun ក៏បានបរិហារផងដែរចំពោះក្រុមប្រឹក្សាសន្តិសុខអង្គការសហប្រជាជាតិ ដែលបានបើកសម័យប្រជុំស្តីពីកម្មវិធីនុយក្លេអ៊ែរ និងមីស៊ីលរបស់ទីក្រុងព្យុងយ៉ាង ដោយចោទថា ក្រុមប្រឹក្សានេះត្រូវបានអាមេរិក យកធ្វើជាឧបករណ៍។
យោងតាមរបាយការណ៍របស់ប្រព័ន្ធផ្សព្វផ្សាយកូរ៉េខាងជើងនៅថ្ងៃទី២៤ខែកុម្ភៈ, កងទ័ពប្រជាជនកូរ៉េ បានបាញ់សាកល្បងមីស៊ីល Hwasal-2 ចំនួន៤គ្រាប់ចេញពីទីក្រុង Kim Chaek ភាគឦសាន សំដៅទៅសមុទ្រជប៉ុន។
ការបាញ់បង្ហោះនេះធ្វើឡើង ចំពេលនៃសមុទ្ធសង្គ្រាមដែលរៀបចំដោយមន្ទីរបញ្ចកោណ ដោយមានការចូលរួមពីកងកម្លាំងអាមេរិក និងកូរ៉េខាងត្បូង។ សមយុទ្ធនោះ គឺផ្តោតលើសេណារីយ៉ូសម្មតិកម្មនៃការប្រើប្រាស់អាវុធនុយក្លេអ៊ែររបស់កូរ៉េខាងជើង៕
ប្រែសម្រួល៖ Vann Vann
ប្រភព៖ Sputnik
ចុចអាន៖ កូរ៉េ ខាង ជើង បាញ់ មីស៊ីល៤គ្រាប់ ដើម្បី បង្ហាញ សមត្ថភាព វាយ ប្រហារ នុយក្លេអ៊ែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង