ព័ត៌មានអន្ដរជាតិ

កូរ៉េខាងជើង ឲ្យ UN ជួយបញ្ឈប់សមយុទ្ធ អាមេរិក-កូរ៉េខាងត្បូង ក្នុងពេលនេះ

បានផុស

៣ years មុន

នៅ

ថ្ងៃអាទិត្យ ៥ មីនា ២០២៣

ដោយ

ក្រសួងការបរទេសកូរ៉េខាងជើង នៅថ្ងៃអាទិត្យនេះបានអំពាវនាវដល់អង្គការសហប្រជាជាតិ (UN) ទាមទារឲ្យបញ្ឈប់ជាបន្ទាន់ នូវសមយុទ្ធយោធារួមគ្នារវាងសហរដ្ឋអាមេរិកនិងកូរ៉េខាងត្បូង ដោយនិយាយថា ពួកគេកំពុងបង្កើនភាពតានតឹង ដែលគំរាមកំហែងដល់ការអូសបន្លាយពីការគ្រប់គ្រង។

លោក Kim Son Gyong អនុរដ្ឋមន្ត្រីការបរទេសទទួលបន្ទុកអង្គការអន្តរជាតិបាននិយាយនៅក្នុងសេចក្តីថ្លែងការណ៍ដែលធ្វើឡើងដោយទីភ្នាក់ងារសារព័ត៌មានរដ្ឋ KCNA ថា សមយុទ្ធនិងវោហារសាស្ត្រពីសម្ព័ន្ធមិត្តគឺ បង្កើនកម្រិតនៃការប្រឈមមុខគ្នាដោយមិនទទួលខុសត្រូវ។

លោក Kim និយាយថា “ UN និងសហគមន៍អន្តរជាតិ នឹងត្រូវជំរុញយ៉ាងខ្លាំងដល់អាមេរិកនិងកូរ៉េខាងត្បូង ឲ្យបញ្ឈប់ជាបន្ទាន់នូវសុន្ទរកថាបង្កហេតុ និងសមយុទ្ធយោធារួមគ្នារបស់ពួកគេ”។ ជាពិសេសវាជារឿងគួរឲ្យសោកស្ដាយដែល UN រក្សាភាពស្ងៀមស្ងាត់លើសមយុទ្ធដែលមាន លក្ខណៈឈ្លានពានច្បាស់លាស់ ។

ទោះយ៉ាងណា សហរដ្ឋអាមេរិកនិងកូរ៉េខាងត្បូងនិយាយថា សមយុទ្ធនេះគឺស្ថិតនៅក្នុងការការពារខ្លួនចាំបាច់ដើម្បីទប់ទល់នឹងការគំរាមកំហែងកើនឡើងពីកម្មវិធីមីស៊ីលផ្លោងនិងអាវុធនុយក្លេអ៊ែររបស់កូរ៉េខាងជើង ដែលត្រូវហាមឃាត់ដោយដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ ស្របពេលដែលកូរ៉េខាងជើងនិយាយថាអាវុធនុយក្លេអ៊ែររបស់ទីក្រុងព្យុងយ៉ាង គឺជាការឆ្លើយតបដ៏ត្រឹមត្រូវមួយដើម្បីធានាតុល្យភាពនៃអំណាចនៅក្នុងតំបន់។

សូមរម្លឹកដែរថា មន្ត្រីនៃប្រទេសទាំងពីរបាននិយាយកាលពីថ្ងៃសុក្រថា សហរដ្ឋអាមេរិក និងកូរ៉េខាងត្បូង នឹងធ្វើសមយុទ្ធយោធាទ្រង់ទ្រាយធំជាង ១០ថ្ងៃនៅក្នុងខែមីនា រួមទាំងការចុះចតលើអាកាសថែមទៀតផង៕

ប្រែសម្រួល៖ សាង ស្រីល័ក្ខ

ប្រភព៖Reuters

ចុចអាន៖សហរដ្ឋអាមេរិកនិងកូរ៉េខាងត្បូង បញ្ជាក់កាលបរិច្ឆេទ ធ្វើសមយុទ្ធរួមគ្នា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា