Song Hye Kyo និង Song Joong Ki ម្នាក់ណារកចំណូលច្រើនជាងគេ ក្នុងភាពយន្តកំពុងល្បី?

រឿង The Glory2 ដែលជារឿងភាគសងសឹកបង្ហូរឈាមធំបំផុតនៅក្នុងប្រទេសកូរ៉េខាងត្បូង សម្តែងដោយ Song Hye Kyo កំពុងទទួលបានភាពល្បីល្បាញខ្លាំងនិងលេចឮថា ភាពយន្តមួយនេះរកចំណូលបានកកប់ក្ដោងផងដែរ។

ដោយឡែកកាលពីពេលថ្មីៗនេះ អត្រាដែល Song Hye Kyo ទទួលបានសម្រាប់ការសម្ដែងក្នុងរឿងមុននេះ ត្រូវលាតត្រដាងដោយមានព័ត៌មានពីអ្នកយកព័ត៌មាន Ahn Jin Young របស់ Munhwa Ilbo ថា នាងរកបាន ២០០លានវ៉ុន (ប្រហែល ១៦៣,០០០ដុល្លារ) ក្នុងមួយវគ្គ ១៦នៃរឿងភាគ។ ចំនួននេះស្មើនឹងជាមធ្យមក្នុងមួយភាគ​ដែល​ទទួល​បាន​ដោយ​តារា​ស្រី​ម្នាក់​ទៀត​នៅក្នុងឧស្សាហកម្មនេះគឺ Jun Ji Hyun។

ទោះបីជា The Glory គឺជា​ជោគជ័យ​ដ៏​ធំធេង​ក៏​ដោយអ្នកយកព័ត៌មាន Ahn Ji Young បានកត់សម្គាល់ថា កម្រិត​ប្រាក់ខែ​របស់នាងនៅតែតិចជាងអតីតស្វាមី ខណៈ Song Joong Ki ដែលសម្តែងក្នុងរឿង “Reborn Rich” ក្នុងឆ្នាំ ២០២២ ទទួលបាន ៣០០ លានវ៉ុនក្នុងមួយវគ្គ។ នេះគឺជាតម្លៃខ្ពស់ជាងការលេងឲ្យភាពយន្តមុនរបស់គាត់គឺ “Vincenzo” ២០០ លានវ៉ុនក្នុងមួយវគ្គ។

ទោះជាយ៉ាងណាក៏ដោយ ដោយផ្អែកលើភាពជោគជ័យរបស់ The Glory និងការឆ្លើយតបជាវិជ្ជមាន​ពីរដូវកាលទី២ ដែលទើបនឹងចេញផ្សាយថ្មីៗនេះ គេរំពឹងថាប្រាក់ចំណូលរបស់ Song Hye Kyo អាច​នឹង​កើន​ឡើង​នៅ​ពេល​អនាគត ដោយសារ​ការ​ជឿជាក់​ថ្មី​របស់​នាង​ក្នុង​ការ​លេង​តួនាទី​ដ៏​លំបាកបំផុត៕

ប្រែសម្រួល៖ សាង ស្រីល័ក្ខ

ចុចអាន៖អ្នកលេងអ៊ីនធឺណិតមិនពេញចិត្ត ពេលឃើញឈុតថើបគ្នារបស់ Song Hyekyo និង Song Joongki