ពូទីន នឹងដំឡើងប្រាក់ឈ្នួល ១៨.៥ ភាគរយដល់ពលរដ្ឋ រុស្ស៊ី ទោះកំពុង​ជាប់ដៃប្រយុទ្ធនៅ អ៊ុយក្រែន ក៏ដោយ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន រំពឹងនឹងបង្កើនប្រាក់ខែដល់ប្រជាពលរដ្ឋប្រមាណ ១៨.៥ ភាគរយ​បន្ថែមទៀតនៅដើមឆ្នាំក្រោយ ស្របពេលអតិផរណារបស់រុស្ស៊ីនឹងធ្លាក់ចុះ​ក្រោម ៤ ភាគរយនៅចុងឆ្នាំនេះ ។ ​

កាលពីចុងឆ្នាំ ២០២២ ប្រាក់ឈ្នួលជាមធ្យមរបស់កម្មកររុស្ស៊ី មានរហូតដល់ ១,១៤៨ ដុល្លារ ហើយបានកើនឡើង ០.៦ ភាគរយនៅក្នុងឆ្នាំ ២០២៣ នេះ បើទោះជាប្រទេសកំពុងធ្វើប្រតិបត្តិការសឹកនៅអ៊ុយក្រែនក៏ដោយ ។

ទោះបីជារុស្ស៊ី​ទទួលទណ្ឌកម្មពីសំណាក់​ពួកលោកខាងលិចក៏ដោយ ប៉ុន្តែហាក់បីដូចជាគ្មានសញ្ញាណាមួយបង្ហាញថា សេដ្ឋកិច្ចរុស្ស៊ីជួបប្រទះនូវបញ្ហាធ្ងន់ធ្ងរនោះទេ ។

ម្យ៉ាងទៀត ទោះបីជាសហគមអឺរ៉ុប​មិនទិញប្រេងពីរុស្ស៊ី ក៏មិនមែនជាបញ្ហាចោទដែរ ព្រោះលោក ពូទីន ក៏មានដៃគូផ្សេងៗទៀតផងដែរដូចជា មហាយក្សចិន និងឥណ្ឌាជាដើម ។

ទន្ទឹមនឹងនោះ លោក ពូទីន​ ក៏បានជំរុញឲ្យមហាសេដ្ឋីរុស្ស៊ី​ត្រូវតែវិនិយោគបន្ថែមទៀតលើបច្ចេកវិទ្យាថ្មី ផលិតផលគ្រឿងបរិក្ខារ និងសហគ្រាសផ្សេងៗនៅក្នុងប្រទេស ​ដើម្បីយកឈ្នះពួកលោកខាងលិចដែលប៉ុនប៉ងបំផ្លាញ​សេដ្ឋកិច្ចរុស្ស៊ី ៕

ប្រែសម្រួលដោយ ៖ នាង រតនៈ

ប្រភព ៖ TASS

ចុចអាន៖ រុស្ស៊ី ព្រមានថា ប្រជាជនស៊ុយអែតនឹងបញ្ជូនទៅស្លាប់ បើប្រទេសនេះ ចូល ណាតូ