MV ដំបូងរបស់ Jisoo រងភាពចម្រូងចម្រាសពីទស្សនិកជន

វីដេអូចម្រៀងដំបូងរបស់ Jisoo សមាជិក BlackPink ត្រូវបានអ្នកដឹកនាំផលិតឡើងអស់ថវិកាច្រើនបំផុតមិនធ្លាប់មានរបស់ផលិតកម្ម YG Entertainment កំពុងផ្ទុះជជែកគ្នានៃភាពចម្រូងចម្រាស អំពីសមត្ថភាពរាំរបស់នាង ។

យោងទៅតាមការរាយការណ៍របស់ No Cut News បានឲ្យដឹងថា Jisoo បានចេញអាល់ប៊ុមទោលដំបូងរបស់នាងនៅថ្ងៃទី ៣១ ខែមីនា។ MV បទចម្រៀងចំណងជើង Flower ត្រូវបានថតនៅសហរដ្ឋអាមេរិក ហើយ YG បានដឹកនាំផលិតឡើងអស់ថវិកាច្រើនបំផុតមិនធ្លាប់មាន ដោយវីដេអូនេះចម្រៀងចំណាយទៅលើប្រើកាមេរ៉ា ហើយសំលៀកបំពាក់ យ៉ាងច្រើន។

ជាមួយគ្នានេះ នៅលើវេទិកាកូរ៉េ Theqoo ទស្សនិកជនកំពុងជជែកគ្នាអំពី MV បទចម្រៀងនេះ ដោយសារតែពួកគេគិតថាសាច់ភ្លេងរបស់បទនេះល្អ ប៉ុន្តែមិនត្រូវគ្នានឹងសំឡេងរបស់ Jisoo ទេ។ លើសពីនេះទៀត ការបញ្ចេញក្បាច់រាំរបស់នាងមានមនុស្សជាច្រើនមិនចូលចិត្តឡើយ ដោយទស្សនិកជនបានបញ្ចេញមតិលើ Theqoo ថា “Jisoo ស្អាតតែក្បាច់រាំយ៉ាប់ណាស់” និងមានមាតិជាច្រើនទៀតប្រៀបធៀបនាង ជាមួយសមាជិកក្រុមដូចជា Jennie, Rosé ,Lisa ថែមទៀតផង។

យ៉ាងណាមិញ អាល់ប៊ុម “Me” របស់ Jisoo បានលក់ដាច់លើស ៩៥០,០០០ បន្ទះក្នុងការបញ្ជាទិញជាមុន បន្ទាប់ពីត្រឹមតែពីរសប្តាហ៍ (គិតត្រឹមថ្ងៃទី ២០ ខែមីនា) ចាប់តាំងពីការបើកលក់លើដំបូង។ គិតត្រឹមថ្ងៃទី ៣០ ខែមីនា អាល់ប៊ុមនេះបានលក់លើស ១.៣១ លានបន្ទះ ៕

ប្រែសម្រួល៖នាងតូច

ចុចអាន៖តារាកូរ៉េខាងត្បូង ៨ រូប ប្រឹងជ្រៀតខ្លួនហក់ដល់ទឹកដីហូលីវូដ