ព័ត៌មានអន្ដរជាតិ
WHO ព្រមានពីហានិភ័យនៃគ្រោះថ្នាក់ជីវសាស្ត្រនៅ ស៊ូដង់ ក្រោយភាគីប្រយុទ្ធ កាន់កាប់មន្ទីរពិសោធន៍
កាលពីថ្ងៃអង្គារទី២៥ខែមេសា អង្គការសុខភាពពិភពលោក (WHO) បានព្រមានអំពីគ្រោះថ្នាក់ជីវសាស្ត្រនៅក្នុងប្រទេសស៊ូដង់ បន្ទាប់ពីភាគីម្ខាងនៃជម្លោះប្រដាប់អាវុធ បានរឹបអូសយកមន្ទីរពិសោធន៍ដែលផ្ទុកសំណាកមេរោគរួមមានជំងឺស្វិតដៃជើង និងកញ្ជ្រឹល។
ស្របពេលជាមួយគ្នានោះ WHO បានហៅស្ថានភាពនេះថា “គ្រោះថ្នាក់ខ្លាំងបំផុត”។
លោក Nima Saeed Abid តំណាង WHO ប្រចាំប្រទេសស៊ូដង់ បានប្រាប់អ្នកយកព័ត៌មាននៅទីក្រុងហ្សឺណែវ នៃប្រទេសស្វីសថា “មានហានិភ័យជីវសាស្រ្តដ៏ធំ ទាក់ទងទៅនឹងការកាន់កាប់មន្ទីរពិសោធន៍សុខភាពសាធារណៈកណ្តាល ដោយភាគីម្ខាង។ អ្នកបច្ចេកទេស គ្មានលទ្ធភាពចូលទៅកាន់មន្ទីរពិសោធន៍នោះទេ ហើយគ្មានមធ្យោបាយដើម្បី ផ្ទុកសារធាតុជីវសាស្រ្ត និងសារធាតុនានា ឲ្យមានសុវត្ថិភាពដែរ”។
ទន្ទឹមនោះ លោក Nima គូសបញ្ជាក់ថា មនុស្សចំនួន៤៥៩នាក់ត្រូវសម្លាប់ និង៤០៧២នាក់រងរបួស ក្នុងការប្រយុទ្ធដែលផ្ទុះឡើងកាលពីថ្ងៃទី១៥ខែមេសា រវាងកងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័ស (RSF)។
រដ្ឋធានី ខាទុំ និងទីប្រជុំជនក្បែរៗនោះ ត្រូវវាយប្រហារដោយការទម្លាក់គ្រាប់បែកយ៉ាងខ្លាំងក្លាអស់រយៈពេលជិតពីរសប្តាហ៍ ដែលបណ្តាលឲ្យមានកង្វះខាតស្បៀងអាហារ ទឹកស្អាត ថ្នាំពេទ្យ និងប្រេងឥន្ធនៈ។
លោក Abdalla Hussein ប្រធានផ្នែកប្រតិបត្តិការរបស់អង្គការវេជ្ជបណ្ឌិតគ្មានព្រំដែន ប្រចាំប្រទេសស៊ូដង់ បានប្រាប់ RT កាលពីថ្ងៃចុងសប្តាហ៍ថា មន្ទីរពេទ្យក្នុងទីក្រុង ខាទុំ និងទីក្រុងជុំវិញនោះ ត្រូវបិទដោយសារតែការបាញ់ផ្លោងយ៉ាងធ្ងន់ធ្ងរ។
ដោយឡែក បើយោងតាមសហភាពគ្រូពេទ្យស៊ូដង់, មន្ទីរពេទ្យចំនួន១៣កន្លែង ត្រូវរងការទម្លាក់គ្រាប់បែក និង១៩កន្លែងត្រូវបង្ខំឲ្យជម្លៀសមនុស្សចេញ ខណៈរថយន្តសង្គ្រោះចំនួន៦គ្រឿងត្រូវបានវាយប្រហារដោយកងកម្លាំងយោធា ចាប់តាំងពីជម្លោះបានចាប់ផ្តើម៕
ប្រែសម្រួល៖ Vann Vann
ប្រភព៖ RT
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៤ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល