កីឡា
តំណាងក្លិប ISI ដង្កោសែនជ័យចាត់ទុកភ្នំពេញក្រោន និងវិសាខាជាក្លិបប្រជែងឯកលីគ
តំណាងក្លិបបាល់ទាត់ អាយអេសអាយ ដង្កោសែនជ័យ បានសម្លឹងឃើញក្លិបការពារតំណែងជើងឯកឆ្នាំចាស់ ភ្នំពេញក្រោន និង វិសាខា ជាក្លិបដែលអាចប្រជែងជើងឯកលីគកំពូលកម្ពុជារដូវកាលថ្មី ខណៈក្លិបរបស់ខ្លួនដាក់គោលដៅយកចំណាត់ក្រុមកំពូល៤ (Top 4)។
លោក សៀក សុវណ្ណ អគ្គលេខាធិការក្លិបអាយអេយអាយ ដង្កោសែនជ័យ បានឲ្យដឹងថា ក្លិបរបស់លោកបានត្រៀមខ្លួនរួចរាល់ហើយទាំងកីឡាករខ្មែរ កីឡាករបរទេស និងហេដ្ឋារចនាសម្ព័ន្ធទីលាន។
លោកបាននិយាយថា ៖«សម្រាប់អាយអេសអាយ បើតាមការចាប់អារម្មណ៍ពីមហាជនគឺយើងអាចស្ថិតនៅក្នុងចំណោម Top 6 ប៉ុន្តែចំពោះក្លិបផ្ទាល់គឺយើងដាក់គោលដៅ Top 4 ពីព្រោះយើងចូលរួមលីគលើកដំបូង យើងអត់ចង់បានគោលដៅត្រឹម៦ទេគឺគោលដៅក្រុមលំដាប់កំពូលទាំង៤»។
លីគបាល់ទាត់កំពូលកម្ពុជាត្រូវបានបង្កើនក្លិបដល់ចំនួន១០សម្រាប់រដូវកាលថ្មី២០២៣-២៤ គឺអាយអេយអាយ ដង្កោសែនជ័យ និងព្រៃវែងអេហ្វស៊ី ខណៈក្លិប៨ផ្សេងទៀតគឺនៅរក្សាទុកដដែលកាលពីរដូវកាល២០២២-២៣។ ការប្រកួតប្រជែងលីគរដូវកាលថ្មីកាន់តែស្វិតស្វាញ និងលំបាកខ្លាំង ខណៈតំណាងក្លិបអាយអេសអាយ ដង្កោសែនជ័យចាត់ទុកក្លិប២ដែលជាបេក្ខភាពប្រជែងជើងឯក។
លោក សៀក សុវណ្ណ បាននិយាយថា ៖«សម្រាប់ខ្ញុំ ក្លិបដែលអាចប្រកួតប្រជែងក្នុងការដណ្តើមជើងឯកបានគឺខ្ញុំគិតថា ក្លិបបាល់ទាត់វិសាខា និងភ្នំពេញក្រោន»។
ពិតណាស់ ភ្នំពេញក្រោនបានឈ្នះជើងឯកលីគកំពូលកម្ពុជាពីរដូវកាលជាប់គ្នា និងត្រូវការការពារតំណែងជើងឯកឆ្នាំចាស់របស់ខ្លួន ហើយក៏ជាក្រុមដែលបានឈ្នះពានខេមបូឌានលីគខាប់២លើកជាប់គ្នាដែរ។ ចំពោះវិសាខាជាក្លិបដែលបានចំណាយធនធានច្រើនក្នុងការនាំចូលកីឡាករ ប៉ុន្តែពីរដូវកាលចុងក្រោយមិនទាន់បានស្គាល់ឯកលីគកំពូលកម្ពុជា។
ខេមបូឌានព្រីមៀរលីគរដូវកាលថ្មី២០២៣-២៤ នឹងចាប់ផ្តើមនៅថ្ងៃទី៥ ខែសីហា និងបញ្ចប់នៅពាក់កណ្តាលឆ្នាំ២០២៤ដែលជាការផ្លាស់ប្តូរពេលវេលាជាលើកដំបូងស្របតាមរដូវកាលនៃលីគកំពូលនានារបស់ប្រទេសនៅក្នុងតំបន់អាស៊ីផងដែរ៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ