តារាសិចស៊ី Ice Preechaya សន្លប់ភ្លាមៗ ត្រូវបញ្ជូនចូលបន្ទប់សង្គ្រោះបន្ទាន់

តារាសម្ដែងនិយមខ្លួនលេងខ្លួនសិចស៊ី Ice Preechaya ត្រូវបញ្ជូនចូលបន្ទប់សង្រ្គោះបន្ទាន់ភ្លាមៗ ក្រោយពេលម្ដាយបានរកឃើញនាងកំពុងដេកសន្លប់ ដោយមិនដឹងមូលហេតុ។ មិនតែប៉ុណ្ណោះអាការរបស់តារាស្រីរូបនេះ មានសភាពធ្ងន់ធ្ងររហូតតម្រូវឱ្យគ្រូពេទ្យប្រើឧបករណ៍ជំនួយដង្ហើមទៀតផង។

ជុំវិញបញ្ហាជំងឺរបស់ Ice Preechaya មុនពេលបញ្ជូនទៅមន្ទីរពេទ្យ ត្រូវបានម្ដាយរបស់នាងប្រាប់អ្នកសារព័ត៌មានថា ប៉ុន្មានថ្ងៃមុននាងហាក់ដូចជាមានសភាពតានតឹងផ្លូវចិត្ត ញ៉ាំបាយមិនបាន និងគេងមិនលក់។ លុះមកដល់ថ្ងៃទី៤ ខែកក្កដា កន្លងទៅ ម្ដាយ Ice Preechaya បានរកឃើញនាងកំពុងដេកសន្លប់តែម្នាក់ឯង នៅក្នុងបន្ទប់ ទើបប្រញាប់បញ្ជូននាងទៅមន្ទីរពេទ្យតែម្ដង។

យ៉ាងណាមិញពេលនេះស្ថានភាពសុខភាពរបស់ Ice Preechaya ហាក់ប្រសើរឡើងហើយ ព្រោះអ្នកគាំទ្របានឃើញនាងបង្ហោះសារនៅលើ Story គណនី Instagram របស់នាង ប៉ុន្តែកម្រិតធូរស្បើយប៉ុនណានោះ មិនទាន់មានអ្នកជិតស្និទ្ធិបង្ហើបនៅឡើយ៕

ប្រែសម្រួល៖ សន្យា

ចុចអាន៖ YG ច្រានចោលពាក្យចចាមអារ៉ាមល្អក់កករពីការប្រគំតន្ត្រី Born Pink នៅវៀតណាម

ចុចអាន៖ កូនកតញ្ញូ! James Jirayu សុខចិត្តផ្អាកការងារសិល្បៈ បួសសងគុណឪពុកម្ដាយ