ជីវិតកម្សាន្ដ

YG ច្រានចោលពាក្យចចាមអារ៉ាមល្អក់កករពីការប្រគំតន្ត្រី Born Pink នៅវៀតណាម

បានផុស

២ years មុន

នៅ

ថ្ងៃពុធ ៥ កក្កដា ២០២៣

ដោយ

Sonya

បន្ទាប់ពីធ្លាយពាក្យចចាមអារ៉ាមថា តម្លៃសំបុត្រចូលរួមទស្សនាការប្រគំតន្ត្រី BORN PINK នៅប្រទេសវៀតណាម ឡើងដល់ ១០លានដុង (ប្រហែល៤២១ដុល្លារ) ហើយការសម្ដែងមានតែ ១៣បទ ផលិតកម្ម YG Entertainment បានចេញមុខបដិសេធនូវព័ត៌មានចចាមអារ៉ាមទាំងនោះថាជារឿងមិនពិតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតកម្ម YG Entertainment ដែលជាទ្រនំរបស់ BLACKPINK នាពេលថ្មីៗនេះ បានបញ្ជាក់ច្បាស់ថា បញ្ជីរាយចំណងជើងចម្រៀង និងតម្លៃសំបុត្រសម្រាប់ការប្រគំតន្ត្រីរបស់ក្រុម BLACKPINK ដែលបានបង្ហោះតាមអ៊ីនធឺរណិតយ៉ាងផុសផុលនោះ សុទ្ធសឹងជារឿងមិនពិត។

ការអះអាងនេះបានធ្វើឡើង ក្រោយពេលប្រព័ន្ធផ្សព្វផ្សាយមួយទម្លាយថា កាលវិភាគនៃការប្រគំតន្ត្រី BORN PINK នៅប្រទេសវៀតណាមត្រូវបានបែកធ្លាយ ហើយទស្សនិកជនមិនអាចទទួលយកនូវតម្លៃសំបុត្រដែលដាក់លក់ ព្រោះ Blackpink នឹងសម្ដែងតែ ១៣បទប៉ុណ្ណោះ។ ចំពោះរឿងនេះ ទីភ្នាក់ងារ YG បានប្រាប់ Newsen ថា ការចុះផ្សាយខាងលើមិនមែនជាការពិតឡើយ។

គួរបញ្ជាក់ថា ការប្រគំតន្ត្រីរបស់ក្រុម BLACKPINK នឹងធ្វើឡើងនៅពហុកីឡដ្ឋានជាតិ My Dinh ក្នុងទីក្រុងហាណូយ ប្រទេសវៀតណាម នៅថ្ងៃទី២៩-៣០ ខែកក្កដា ឆ្នាំ២០២៣។ ពួកគេនឹងក្លាយជាក្រុមចម្រៀងនារី K-Pop ដំបូងគេដែលសម្តែងនៅក្នុងកីឡដ្ឋានដែលអាចផ្ទុកមនុស្សបានជាង ៤ម៉ឺននាក់៕

ប្រែសម្រួល៖ សន្យា

ចុចអាន៖ ម៉ាក់ៗ Son Ye Jin បង្ហាញខ្លួនលើកដំបូង ក្រោយសម្រាលកូនជាង ៧ខែ

ចុចអាន៖ ល្បីថា Han So Hee កំពុងទាក់ទងស្នេហាជាមួយតារាបង្ហាញម៉ូដ Chae Jong Seok