ជីវិតកម្សាន្ដ
តារាស្រី ៥រូប ត្រូវទស្សនិកជនពោលសរសើរលើការស្លៀកពាក់សមសួន
សម័យបច្ចុប្បន្នការស្លៀកពាក់សិចស៊ីតាមសង្គមស៊ីវិល័យគឺជារឿងធម្មតាទៅហើយ មិនថាតារាល្បីៗ ឬមហាជនទូទៅឡើយ។ ចំណែកការស្លៀកសម្លៀកបំពាក់ ឬឈុតបែបសុភាពរាបសា លក្ខណៈប្រពៃណី សឹងថាជារឿងកម្រ ខណៈតារាជួរមុខជាច្រើននៅស្រុកថៃ ក៏ត្រូវបានគេចាត់ទុកថាកម្រឃើញផងដែរ។ ផ្ទុយទៅវិញ តារាស្រីល្បីឈ្មោះ ៥រូប បែរជាត្រូវគេចាប់អារម្មណ៍ និងលើកសរសើរចំពោះការស្លៀកពាក់លើការចេះរៀបចំខ្លួនយ៉ាងសមសួន ចំកាលៈទេសៈ និងស្រស់ស្អាតថែមទៀតផង។
១. តារារ៉េប Lalisa
ថ្វីត្បិត Lalisa ក្លាយជាតារា Kpop លំដាប់ពិភពលោកកក្ដី ប៉ុន្តែតារារ៉េបជនជាតិថៃរូបនេះ ត្រូវប្រជាជនខ្លួន និងទស្សនិកជនអន្តរជាតិ មិនភ្លេចពោលសរសើរលើការរៀបចំខ្លួនរបស់នាង ពេលចូលរួមពិធីប្រពៃណីជាតិ និងទៅវត្តអារ៉ាមឡើយ។ ការស្លៀកសំពត់បត់វែង និងពាក់អាវបំពង់ខ្លី បានធ្វើឱ្យ Lalisa កាន់តែមានប្រជាប្រិយភាពក្នុងចំណោមប្រជាជនអាស៊ី ជាពិសេសនាងត្រូវគេសរសើរថា ពិតជាសក្តិសមជាកំពូលតារា មិនថាស្លៀកពាក់បែបណា នៅតែឃើញស្រស់ស្អាត លេចធ្លោជានិច្ច។
២. តារាសម្ដែង Mai Davika
ទោះបីកន្លងមក Mai Davika ឧស្សាហ៍ស្លៀកពាក់វាលសាច់ល្ហល្ហេវ ប៉ុន្តែតារាស្រីវ័យ ៣១ឆ្នាំរូបនេះ ទទួលបានមតិវិជ្ជមានជាច្រើនលើការស្លៀកសម្លៀកបំពាក់ប្រពៃណីថៃ នៅក្នុងឱកាសបុណ្យជាតិនានា។
៣. តារាសម្ដែង Yaya
តារាសម្ដែង Yaya ជាតារាស្រីលំដាប់កំពូលរបស់ប្រទេសថៃ ដែលត្រូវគេលើកសរសើរថាសក្តិសមជាតារាលំដាប់ A ខណៈសម្លៀកបំពាក់របស់នាងពេលមានបុណ្យទាន ពិតជាគួរឲ្យស្រឡាញ់ និងទាក់ទាញគ្រប់ឈុត។
៤. តារាសម្ដែង Kimmy Kimberley
Kimberley ជាតារាស្រីម្នាក់ទៀត ដែលទស្សនិកជនថៃសរសើរពេញៗមាត់ ព្រោះតែនាងតែងតែគ្រងឈុតប្រពៃណីយ៉ាងសមសួនទៅចូលរួមបុណ្យជាតិ និងទៅវត្តអារ៉ាម។ ដោយសារទម្លាប់បង្ហាញខ្លួនក្នុងឈុតប្រណៃណី នាងត្រូវចាត់ចូលជាតារាស្រីចេះស្លៀកពាក់សមសួនមួយរូបក្នុងចំណោមតារាល្បីៗនៅក្នុងប្រទេស។
៥. តារាសម្ដែង Bella
ទោះជាមិនសូវស្លៀកពាក់ប្រពៃណី ប៉ុន្តែ Bella ត្រូវគេលាន់មាត់សរសើរមិនដាច់ ដោយសារនាងតែងតែបង្ហាញខ្លួនយ៉ាងសុភាពរាបសា និងសមសួនបំផុត នៅវត្តអារ៉ាមក្នុងថ្ងៃសីល និងពិធីបុណ្យនានាតាមជំនឿព្រះពុទ្ធសាសនា។ ដោយមូលហេតុនេះ Bella បានជាប់ក្នុងបញ្ជីកំពូលតារាស្រីស្លៀកពាក់សមរម្យមួយរូប ដែលប្រជាជនថៃតែងតែនឹកដល់ពេលនិយាយពីសម្លៀកបំពាក់ជាតិ។
ប្រិយមិត្តវិញយល់យ៉ាងណាដែរចំពោះការរៀបចំខ្លួនរបស់តារាស្រីទាំង ៥ខាងលើ? សូមចែករំលែកជាមួយ កម្ពុជាថ្មី ផ្លឹស!
ប្រែសម្រួល៖ សន្យា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង